პორნოვარსკვლავი სტორმი დენიელსი დონალდ ტრამპს უჩივის

პორნოვარსკვლავი სტორმი დენიელსი, რომელიც დონალდ ტრამპთან დაკავშირებულ სკანდალში გაეხვა, აშშ-ის პრეზიდენტს სასამართლოში უჩივის. ის მოითხოვს, რომ ამერიკის ლიდერთან შეთანხმება დუმილის შესახებ გაუქმდეს.

მსახიობმა განაცხადა, რომ 2016 წლის საპრეზიდენტო არჩევნებამდე მიღწეულ შეთანხმებას იურიდიული ძალა არ აქვს, რადგან მასზე ტრამპს ხელი არ მოუწერია.

თებერვალში პრეზიდენტის ადვოკატმა მაიკლ კოენმა აღიარა, რომ 2016 წელს თავისი ჯიბიდან სტორმი დენიელსს 130 ათასი დოლარი გადაუხადა.

მაშინ ადვოკატს არ დაუზუსტებია რისთვის გადაუხადა თანხა დენიელსს, მედიამ კი გაავრცელა ინფორმაცია, რომ მსახიობს ფული ტრამპთან ურთიერთობის გამო დუმილისთვის მისცეს.

მსახიობის სარჩელში ნათქვამია, რომ ადვოკატმა მას დუმილის დაცვა აიძულა.

ტრამპი პორნოვარსკვლავთან ურთიერთ ობაში არაერთგზის დაადანაშაულეს, მაგრამ კოენი უარყოფს, რომ დენიელსს ტრამპთან რომანი ჰქონდა. დენიელსის მტკიცებით კი პრეზიდენტთან კავშირი 2006 წელს  იმ დროს ჰქონდა, როდესაც მელანია ტრამპმა ვაჟი გააჩინა. პირველად მან ამის შესახებ 2011 წელს განაცხადა.