საქართველოს ეროვნული ნაკრები საკვალიფიკაციო მატჩებისთვის იკრიბება
საქართველო, თბილისი - 15:42 | 18.02.2018 ნანახია: 1686საქართველოს ეროვნული ნაკრები დღეს, მსოფლიოს ჩემპიონატის საკვალიფიკაციო ეტაპის მატჩებისთვის იკრიბება. ილიას ზუროსმა 18 კანდიდატი გამოიძახა, რომელთაგანაც 23 და 25 თებერვლის მატჩებისთვის 12 კალათბურთელს შეარჩევს. ჩინეთში 2019 წელს გასამართი მუნდიალის საკვალიფიკაციო ტურნირის მატჩებს საქართველოს ეროვნული ნაკრები 23 თებერვალს ავსტრიაში გამართავს, ხოლო 25 თებერვალს კი გერმანიას თბილისში უმასპინძლებს.
ილიას ზუროსმა ნაკრებში 2 ახალ კანდიდატს უხმო: „რუსთავის“ სნაიპერი რეზო ჩაჩანიძე და „ქუთაისის“ ფორვარდი აკაკი ლომოური ეროვნულ გუნდში პირველად გამოიძახეს. ჩაჩანიძე მიმდინარე სუპერლიგის ერთ-ერთი საუკეთესო მსროლელია და 3 თებერვალს ქუთაისში გამართულ ოლ-სტარში სამქულიანების კონკურსიც მოიგო. ლომოური კი სტაბილურად - შედეგიანად თამაშობს სუპერლიგის ლიდერ „ქუთაისის“ შემადგენლობაში.
ფიბა-სა და ევროლიგის შეუთანხმებლობის გამო ნაკრებს კვლავ ვერ დაეხმარებიან გიორგი შერმადინი და თორნიკე შენგელია, ხოლო დუდა სანაძესა და ბექა ბურჯანაძეს კვლავ ტრავმა აწუხებთ. ტრავმა მოირჩინა და ნაკრებს დაუბრუნდა ძირითადი გამთამაშებელი გიორგი ცინცაძე, რომელიც ფორმაში არ გახლავთ, თუმცა ზუროსს მისი ეიმედება და მასთან კონსულტაციის შემდეგ ნაკრებში გამოიძახა.
ეროვნული ნაკრების სამწვრთნელო შტაბი ახალი წევრით შეივსო. მთავარი მწვრთნელის, ილიას ზუროსის კიდევ ერთი ასისტენტი იქნება კლუბ მარნეულის „დელტას“ მთავარი მწვრთნელი, თემურ კანკია. მასთან ერთად ზუროსის ასისტენტები იქნებიან დავით როგავა, ტიჰომირ ბუიანი და მილოშ გლიგორიევიჩი.
საქართველოს ეროვნული გუნდი ვარჯიშებს 18 თებერვალს, სპორტის სასახლეში დაიწყებს. სამდღიანი ვარჯიშების შემდეგ მთავარი მწვრთნელი გუნდის ძირითად 12 მოთამაშეს დაასახელებს და 21 თებერვალს ნაკრები ავსტრიაში გაემგზავრება. მსოფლიო ჩემპიონატის საკვალიფიკაციო მატჩი ავსტრიისა და საქართველოს შორის ვენაში, 23 თებერვალს, თბილისის დროით 21:00 საათზე გაიმართება.
საქართველოს ნაკრები ავსტრიიდან იმავე ღამეს დაბრუნდება და გერმანიასთან, 25 თებერვალს გასამართი მატჩისთის მზადებას თბილისის სპორტის სასახლეში განაგრძობს.
„დღეს ვიწყებთ საკვალიფიკაციო მატჩებისთვის მზადებას. მეორე ფანჯრის ორივე მატჩი უმნიშვნელოვანესია და ძალიან დიდი ყურადღებით უნდა მივუდგეთ. ქართული კალათბურთისთვის რთული მომენტია, ფედერაციამ ყველაფერი გააკეთა იმისათვის, რომ თამაშებზე სრული შემადგენლობა გვყოლოდა, თუმცა ევროლიგასა და ფიბას შორის შეუთანხმებლობის გამო, იმ მოთამაშეებს, რომლებიც ევროლიგის კლუბებში თამაშობენ, დიდი სურვილისა და მცდელობის მიუხედავად, არ მიეცათ საშუალება ჩამოსულიყვნენ. ამიტომ, მინდა, ყველას მოვუწოდო, რომ ამ რთულ პერიოდში უგულშემატკივრონ ქართულ კალათბურთს, გაიზიარონ ჩვენი მდგომარეობა, რადგან სწორედ ასეთ დროს არის აუცილებელი თანადგომა. მხარდაჭერა განსაკუთრებულად დასჭირდებათ ახალგაზრდა მოთამაშეებს, რომლებიც ახლა გამოდიან ასპარეზზე. ველით, რომ საშინაო მატჩზე დარბაზი სავსე იქნება, რაც ჩვენს მოთამაშეებს ძალიან დაეხმარება საკმაოდ ძლიერი და გამოცდილი მეტოქის წინააღმდეგ ბრძოლაში. მიუხედავად ყველა სირთულისა, ძალისხმევას არ დავიშურებთ, ჩვენს მაქსიმუმს გავაკეთებთ და შევეცდებით, სასურველ შედეგს მივაღწიოთ. გარდა ამისა, წინ კიდევ მესამე ფანჯარაა, ორ თამაშს საქართველოში ჩავატარებთ სრული შემადგენლობით და სავსე დარბაზით, სადაც შესაძლებლობა გვექნება, გადავფაროთ ყველანაირი ცუდი შედეგი. დიდი მადლობა მინდა გადავუხადო ყველას, მათ შორის ჟურნალისტებს ამ საერთო საქმის მხარდაჭერისათვის“, განმარტავს საქართველოს კალათბურთის ეროვნული ნაკრების მთავარი მწვრთნელი ილიას ზუროსი.
„ნაკრებში ნამდვილად რთული სიტუაციაა, ბევრ მოთამაშეს ტრავმა აქვს, მოგვიწევს ევროლიგის მოთამაშეების გარეშე მატჩების ჩატარება, ძალიან ბევრი ვიმუშავეთ ამ პრობლემების გადასაჭრელად, თუმცა ყველა მათგანის მოგვარება ვერ შევძელით. ავსტრიას კარგად შეთამაშებული გუნდით საკუთარ მოედანზე ნამდვილად უპირატესობა აქვს, თუმცა გერმანიასთან ბევრი რამ ჩვენს ხელშია. ბილეთების გაყიდვა უკვე დაიწყო და საკმაოდ დიდი აქტიურობაც დაფიქსირდა, ამიტომ, მოვუწოდებ გულშემატკივარს, არ დაელოდონ ბოლო დღეებს, რაც შეიძლება მალე შეიძინონ ბილეთები და მხარი დაუჭირონ საქართველოს ეროვნულ ნაკრებს“, აცხადებს საქართველოს კალათბურთის ეროვნული ფედერაციის ვიცე-პრეზიდენტი ვლადიმერ ბოისა.
საქართველოს ეროვნული ნაკრების გაფართოებული შემადგენლობა |
||||
მსოფლიოს 2019 წლის ჩემპიონატის საკვალიფიკაციო ტურნირი |
||||
ავსტრია - საქართველო 23.02.2018 საქართველო - გერმანია 25.02.2018 |
||||
მოთამაშეები |
პოზიცია |
სიმაღლე |
გუნდი |
|
გიორგი ცინცაძე |
1 |
192 |
პოლიტექნიკა (რუმინეთი) |
|
მაიკლ დიქსონი |
2/1 |
186 |
ბაჰჩეშეჰირი (TBL, თურქეთი) |
|
გოგა ბითაძე |
5 |
211 |
მეგა ბიმაქსი (სერბეთი) |
|
ილია ლონდარიძე |
5/4 |
206 |
დინამო |
|
მიხეილ ბერიშვილი |
3/4 |
203 |
დინამო |
|
ანატოლი ბოისა |
3/2 |
196 |
კაკტუსი |
|
ბექა ბექაური |
4/5 |
208 |
ქუთაისი |
|
მერაბ ბოქოლიშვილი |
2 |
194 |
ოლიმპი |
|
ნიკა ცქიტიშვილი |
4/5 |
213 |
ბიბლოსი (ლიბანი) |
|
ლევან ფაცაცია |
3/2 |
198 |
მარნეული |
|
აკაკი დვალიშვილი |
5/4 |
208 |
ქუთაისი |
|
ბექა წივწივაძე |
1 |
188 |
ქუთაისი |
|
რევაზ როგავა |
2 |
193 |
ოლიმპი |
|
ნიკა დარბაიძე |
3/4 |
203 |
ოლიმპი |
|
გეგი ბაქრაძე |
5/4 |
203 |
ოლიმპი |
|
აკაკი ლომოური |
3/4 |
200 |
ქუთაისი |
|
რეზო ჩაჩანიძე |
2/3 |
190 |
რუსთავი |
|
ოთარ ფხაკაძე |
1 |
188 |
მგზავრები |
|
1 - გამთამაშებელი, 2 - მსროლელი, 3 - მსუბუქი ფორვარდი, 4 - მძიმე ფორვარდი, 5 - ცენტრი |
||||
სამწვრთნელო შტაბი |
||||
ილიას ზუროსი |
მთავარი მწვრთნელი |
|||
გეორგიოს ლიმნიატისი |
მთ. მწვრთნელის ასისტენტი |
|||
მილოშ გლიგორიევიჩი |
მთ. მწვრთნელის ასისტენტი |
|||
ტიჰომირ ბუიანი |
მთ. მწვრთნელის ასისტენტი |
|||
დავით როგავა |
მთ. მწვრთნელის ასისტენტი |
|||
თემურ კანკია |
მთ. მწვრთნელის ასისტენტი |
|||
ირაკლი შიოშვილი |
ფიზმომზადების მწვრთნელი |
|||
თემურ ხვედელიძე |
ექიმი |
|||
ზურა სულეიმანაშვილი |
ექიმი |
|||
პოლიტიკა
- ასე გამოიყურება ავტორიტარიზმი - მირიამ ლექსმანი მონაცემთა ბაზაზე
- „ოცნებას“ ფანტაზია გამოელია და mona.ge-ს mona.ru დაუპირისპირა - იაგო ხვიჩია
- "უსამშობლოების" სია გაკეთდება - ირაკლი ზარქუა
- მინდა, შალვა პაპუაშვილს კითხვა დავუსვა: ძალადობაზე როგორ ლაპარაკობ საერთოდ? რომელიმე ძალადობის ფაქტი შეაფასე? ყველაფერს როგორ აყალბებთ? საერთოდ ვინ ხართ, საიდან მოხვედით? - გიორგი ვაშაძე
სამართალი
- ვაფრთხილებთ აქციის ყველა მონაწილესა და ორგანიზატორს, როდესაც პოლიცია კანონის შესაბამისად დაიწყებს ძალადობრივი ქმედებების აღკვეთას, გამოყენებული იქნება მკაცრი ზომები, როგორც წამყვან ქვეყნებშია მიღებული - თეიმურაზ კუპატაძე
- ლადო აფხაზავასა და მის შვილზე თავდასხმაში ბარალდებულ პირს ბრალი წარედგინა
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
მსოფლიო
- დიდი ბრიტანეთი რუსეთის სამხედრო ატაშეს გააძევებს
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
კონფლიქტები
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
ბიზნესი
- ისტორიული აღიარება - „პორშე ცენტრი თბილისს“ მსოფლიო ჯილდო PACE 2023 გადაეცა
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა