სასამართლოს განმარტებით, ბექა წიქარიშვილი და თორნიკე ბზიავა წესრიგის დაცვის მიზნით დააკავა

საქართველო, თბილისი - 17:10 | 23.01.2018

ნანახია: 1212

თბილისის საქალაქო სასამართლომ მსახიობ გიორგი გიორგანაშვილის გამამტყუნებელ განაჩენთან დაკავშირებით განცხადება გაავრცელა. მასში ასევე საუბარია განაჩენის გამოცხდების შემდეგ განვითარებულ მოვლენებზე, რომლის შედეგადაც დაკავებული არიან ბექა წიქარიშვილი და თორნიკე ბზიავა.

,,სარეზოლუციო ნაწილის გამოცხადების შემდეგ, სხდომაზე დამსწრე ორმა პირმა დაარღვია წესრიგი, კერძოდ, სასამართლოს ეზოში გასვლის შემდეგ, ერთ-ერთმა მათგანი სიტყვიერ შეურაცხყოფას აყენებდა სასამართლოს, ხოლო მეორემ შენობის მიმართულებით ისროლა აგური, რის შედეგადაც ჩაიმსხვრა ცენტრალური შემოსასვლელის მინა. სასამართლო მანდატურის სამსახურმა აღკვეთა ქმედება და წესრიგის დაცვის მიზნით ორივე მათგანი დააკავა”, - ნათქვამია განცხადებაში.

გიორგი გიორგანაშვილი იგივე "ბახალა" მოსამართლემ დამნაშავედ ცნო და 8 წლის ვადით თავისუფლების აღკვეთა მიუსაჯა.