Turkcell-ი Geocell-ის 100 %-იანი წილის მფლობელი გახდება

თურქული ოპერატორი Turkcell-ი გეგმავს შეიძინოს შვედურ-ფინური კომპანია TeliaSonera-ს აქციები, კომპანია Fintur -ის ერთობლივ ჰოლდინგში. აღნიშნულის შესახებ ინფორმაციას Bloomberg-ი საკუთარ წყაროზე დაყრდნობით ავრცელებს.

Fintur-ს, ეკუთვნის მობილური ოპერატორები ყაზახეთში (Kcell), აზერბაიჯანში (Azercell), მოლდოვაში (Moldcell) და საქართველოში (Geocell), ჰოლდინგში Turkcell-ი ფლობს 41,45%-ს, ხოლო TeliaSonera — 58,55%-ს.

თურქული ოპერატორის ხელმძღვანელმა ქაან თერზიოღლუმ დაადსტურა TeliaSonera-თან მიმდინარე მოლაპარაკებები და განაცხადა, რომ გარიგება შესაძლოა 2016 წელს შედგეს.

აღშანიშნავია, რომ TeliaSonera-მ სექტემბერში განაცხადა, რომ ევრაზიაში საკუტარი აქტივების გასხვისებით იყო დაინტერესებული.

Turkcell-ს Turkcell Holding-ში 51 %-ი ეკუთვნის. ის თავის მხრივ 52,91 %-იან საკუთრებაში აქვს Cukurova Telecom Holdings Ltd-ს, (51% - Cukurova Finance International, 49% — რუსული „ალფა ჯგუფი“ - მიხეილ ფრიდმანი და პარტნიორები). ხოლო ალფა ჯფუფის მთლიანი წილი Turkcell Holding-ში 13,2 %-ია.