დი კაპრიომ მორიგი რომანი 20 წლის ფოტომოდელთან გააბა

ოსკაროსანი მსახიობი ლეონარდო დი კაპრიო 20 წლის არგენტინელ ფოტომოდელთან კამილა მორონესთან ერთად დაინახეს. გოგონა სააგენტო IMG Models-ში მუშაობს.

ცოტა ხნის წინ პაპარაცებმა დი კაპრიო იმ დროს დააფიქსირეს, როდესაც ის ლოს-ანჯელესში კამილას სახლიდან გამოვიდა. რამდენიმე წუთის შემდეგ სახლიდან ფოტომოდელიც გამოვიდა. თავად ვარსკვლავებს თავიანთი საიდუმლო სასიყვარულო ურთიერთობის შესახებ კომენტარი ჯერ არ გაუკეთებიათ.

კამილა მორონე მხოლოდ ფოტომოდელობით არ არის ცნობილი, ის დამწყები მსახიობიცაა. გოგონას ფილმოგრაფიაში არის ფილმი My Own Private River-ი.

ამჟამად მორონე მონაწილეობს ფილმში „სიკვდილის წყურვილი“, სადაც მისი პარტნიორები არიან ბრიუს უილისი, ვინსენტ დონოფრიო, ელიზაბეტ შუ და დინა ნორისი. „სიკვდილის წყურვილი“ 2018 წელს გამოვა.

ოქტომბერში ლეონარდო დი კაპრიო 27 წლის უკრაინელ ფოტომოდელ ალინა ბაიკოვასთან ერთად ერთადაც დაინახეს.