ბათუმის დრამატული თეატრი პრემიერისთვის ემზადება

21 ნოემბერს ბათუმის დრამატული თეატრი პრემიერისთვის ემზადება.  ბრიტანელი რეჟისორი ტარეკ ისკანდერი ახალ სცენაზე წარმოადგენს იგნასი კორნელისენის პიესას - „ზამთრის ზღაპარი“.
მიუხედავად იმისა, რომ ყველა ზღაპრის ბოლო ერთია - სიკეთე ამარცხებს ბოროტებას, სიყვარული კი სიძულვილს, მკითხველი თუ მაყურებელი მაინც მოუთმენლად ელის ამ მაგიურ ჟანრში მოგზაურობას. 
ნაწარმოების ბოლო აკორდია ერთ-ერთი პერსონაჟის სიტყვები: „ამ ამბის მორალია...“ როგორც ხედავთ, დრამატურგი სამი წერტილით ასრულებს ისტორიას. 
რა უნდა იყოს „ზამთრის ზღაპრის“ მორალი? ამაზე სპექტაკლის ნახვის შემდეგ ჩაფიქრდებით... 
სპექტაკლი ერთ მოქმედებიანია, სადაც ოთხი მსახიობი: ზაალ გოგუაძე, მარინა ბურდული, მამუკა მანჯგალაძე და ია ვახანია მონაწილეობს.
პროექტი ხორციელდება ა.რ. განათლების, კულტურისა და სპორტის სამინისტროსა და ბრიტანეთის საბჭოს მხარდაჭერით.