არასდროს არავის გავუპატიურებივარ, მაგრამ სექსუალურ შევიწროებასა და დისკრიმინაციას ყველგან ვაწყდებოდი - ნატალი პორტმანი

ცნობილმა ამერიკელმა მსახიობმა ნატალი პორტმანმა განაცხადა, რომ თავისი სამუშაოს დროს მუდმივად ხდებოდა სექსუალური შევიწროებისა და დისკრიმინაციის მსხვერპლი. ამის შესახებ ჟურნალი New Musical Express-ი წერს.
„მე არასდროს არავის გავუპატიურებივარ, მაგრამ სექსუალურ შევიწროებასა და დისკრიმინაციას ყველგან ვაწყდებოდი, სადაც კი მიმუშავია“, - განაცახდა პორტმანმა  ლოს-ანჯელესში Vulture-ის ფესტივალზე.

მსახიობის თქმით, ერთ-ერთმა პროდიუსერმა მას კერძო თვითმფრინავით ფრენა შესთავაზა.

როდესაც ის მივიდა, თვითმფრინავში სხვა არავინ იყო, ბორტზე კი ორადგილიანი საწოლი დახვდა.

პორტმანის თქმით, პროდიუსერს არაფერი ჩაუდენია, მაგრამ მას ძალიან შეეშინდა.

 „მე ასობით ისტორია მაქვს“, - .აღნიშნა მსახიობმა.

ბოლო დროს აგორდა უამრავი სკანდალი, რომელიც გაუპატიურებას ან სექსუალურ შევიწროებას უკავშირდებოდა. სკანდალში შოუ-ბიზნესისა და კინოინდუსტრიის ბევრი ცნობილი სახე გაეხვა.