დედაქალაქის მერმა თბილისის 2018 წლის ბიუჯეტის პროექტი საკრებულოდან გამოითხოვა

საქართველო, თბილისი - 11:48 | 20.11.2017

ნანახია: 1083

თბილისის მერმა თბილისის 2018 წლის ბიუჯეტის პროექტი საკრებულოდან გამოითხოვა. ქალაქის მთავრობის პირველ სხდომაზე კალაძემ პირველი დავალება გასცა და ვიცემერს ბიუჯეტის ძველი პროექტის გადამუშავება დაავალა, სადაც წინასაარჩევნო დაპირებები აისახება.

,,ბიუჯეტი, რომელიც დღეს არის წარდგენილი თბილისის საკრებულოში ჩვენ არანაირი უფლებამოსილება არ გვქონდა, რადგან საკრებულოს მხრიდან მთავრობა არ იყო დამტკიცებული ვერ ჩავერეოდით და ვერ შევიტანდით ჩვენს ხედვებს და გეგმებს ქალაქთან დაკავშირებით, თუ რა პროექტები უნდა შესულიყო. შესაბამისად მე მინდა ვთხოვო ვიცემერს, რომ დაიწყოთ მუშაობა ბიუჯეტთან დაკავშირებით გამოვითხოვოთ არსებული წარდგენილი ბიუჯეტი და კანონით გათვალისწინებულ ვადებში მოხდეს მისი გადაგზავნა თბილისის საკრებულოში," -განაცხადა კახი კალაძემ.

თბილისის მერმა დღეს სსიპ-ებისა და აიპ-ების ახალი ხელმძღვანელები დაასახელა.