თბილისის საქალაქო სასამართლომ პროკურატურას ირაკლი ხოფერიას საქმეზე გამოძიების განახლებაა დაავალა

თბილისის საქალაქო სასამართლომ პროკურატურას ირაკლი ხოფერიას საქმეზე გამოძიების განახლებაა დაავალა. 

საიას თავმჯდომარის, ანა ნაცვლიშვილის განცხადებით, თბილისის პროკურატურამ ხოფერიას საქმის გამოძიებისას მიკერძოებულობა გამოავლინა, როდესაც ძიება შეწყვიტა.

„თბილისის საქალაქო სასამართლომ უმნიშვნელოვანესი გადაწყვეტილება მიიღო, მოსამართლემ დაავალა პროკურატურას, გამოძიება გაგრძელდეს და განხორციელდეს საჭირო საგამოძიებო მოქმედებები. თბილისის პროკურატურა, რომელიც იძიებდა ამ საქმეს, არის მიკერძოებული და ამიტომ, საჭიროა, საქმე მთავარმა პროკურატურამ გამოიძიოს“, – განაცხადა ანა ნაცვლიშვილმა.

ხოფერიას ადვოკატების განცხადებით, სამართალდამცველებმა ის დააკავეს და პოლიციის განყოფილებაში სასურველი ჩვენების მიღების მიზნით სცემეს.

საუბარი იყო ქურდობის აღიარებაზე, თუმცა საბოლოოდ, აღმოჩდა, რომ ეს ქურდობა სხვა პირმა ჩაიდინა და ხოფერიას მიმართ, სამართლებრივი დევნა შეწყდა.

საიას ინფორმაციით, მიუხედავად იმისა, რომ ხოფერიამ მოძალადე პოლიციელები ამოიცნო, პასუხისგებაში ამ დრომდე არავინ მიცემულა.