ონიანის დაკავება ავადმყოფური საქციელია - მიხეილ სააკაშვილი

”დღეს მე აღშფოთებული ვარ, რომ გოგა ონიანი ჩასვეს. გოგას კრიმინალად გამოცხადება სულმდაბალი, ავადმყოფური საქციელია ბოღმიანი და პატარა მასშტაბის ადამიანების. ის მართლა მაგარი ადვოკატია და ბევრ ადამიანს დაეხმარა. 
საქმე გვაქვს მძიმე შემთხვევასთან, თუმცა არაუშავს, დროებითია“, - ასე გამოეხმაურა „რუსთავი2“-თან საუბრისას ყოფილი პრეზიდენტი, მიხეილ სააკაშვილი გიორგი ონიანის დაკავებას.

შეგახსენებთ, რომ დღეს თბილისის საქალაქო სასამართლომ გიორგი ონიანს 4 წლით და 6 თვით თავისუფლების აღკვეთა მიუსაჯა. სასამართლომ ის წარდგენილ ყველა ბრალში დამნაშავედ ცნო და ჯამში, 4 წლითა და 6 თვით თავისუფლების აღკვეთა მიუსაჯა. განაჩენის გამოცხადების შემდეგ ონიანი სასამართლოს დარბაზშივე დააკავეს.