ზარაფხანა უძრავ ქონებას ყიდის

თბილისში, ლუბლიანას ქუჩაზე მდებარე ზარაფხანა 2 მილიონ 100 ათას დოლარად იყიდება. საბროკერო კომპანია „Colliers International Georgia“-ს ცნობით, იყიდება 16 000 კვ.მ-მდე კეთილმოწყობილი ფართობის მქონე 26 795 კვ.მ მიწის ნაკვეთი.

გავრცელებული ინფორმაციით, მყიდველმა სახელმწიფოსგან საკუთრების გამოსყიდვისთვის საჭიროა თანხა - 2 100 000 (მათ შორის დაგროვილი გადასახადები და ჯარიმები) 2019 წლის მესამე კვარტლამდე უნდა გადაიხადოს.

ობიექტი მდებარეობს დიღმის მასივში, სადაც განლაგებულია საავადმყოფოები და კლინიკები. აღნიშნული ტერიტორიის მშვიდმა გარემომ განაპირობა საცხოვრებელი კომპლექსების მშენებლობა. ობიექტის უპირატესობას ასევე წარმოადგენს მისი სიახლოვე სავაჭრო ცენტრ „თბილისი მოლთან“, რამდენიმე წამყვან უნივერსიტეტთან და ცენტრალურ ავტომაგისტრალთან, სარეკრეაციო პარკსა და ტენისის მოედნებთან.