ორლანდო ბლუმი ცოლს ეძებს

მსახიობ ორლანდო ბლუმის პირადი ცხოვრება სიბნელით არის მოცული. მას გამუდმებით აწყვილებენ ჰოლივუდელ ლამაზმანებთან, მაგრამ ის ამ დრომდე დუმილს ინარჩუნებდა. ბოლოსდაბოლოს 40 წლის მსახიობი ალაპარაკდა და ყველას მიანიშნა, რომ თავისუფალია. ტელეწამყვან ეი-ჯეი კალოუემთან საუბრისას ორლანდომ ყურადღება მიაქცია მის ქინძისთავს. ეი-ჯეიმ მსახიობს უთხრა, რომ ის მას შეყვარებულმა აჩუქა.

 „აი! მე ცოლი მჭირდება. შეგიძლიათ ცოლის პოვნაში დამეხმაროთ? ნამდვილად მინდა მოსიყვარულე ქალის პოვნა, რომელიც ასეთივე ქინძისთავს მაჩუქებს“,- აღნიშნა ორლანდომ.

სექტემბრის დასწყისში მსახიობი ყოფილ მეგობარ გოგონასთან ქეთი პერისთან ერთად წყნარი ოკეანის სანაპიროზე დაინახეს. ინსაიდერები ამტკიცებდნენ, რომ შეყვარებულები შერიგდნენ, მაგრამ ამის შესახებ საუბარი არ სურდათ. მაგრამ როგორც ჩანს, ორლანდო ქეთის ცოლის რანგში არ განიხილავს.