#ანასთვის - 27 ოქტომბერს ხელნაკეთი ნივთების გამოფენა-გაყიდვა გაიმართება

საქართველო, თბილისი - 15:28 | 25.10.2017

ნანახია: 1260

27 ოქტომბერს, ჟურნალისტ ანა კობაიძის გადასარჩენად საქველმოქმედო აქცია #ანასთვის ფარგლებში გამოფენა-გაყიდვა გაიმართება, სადაც ქართველი დიზაინერებისა და მხატვრების ხელნაკეთი ნივთები იქნება წარმოდგენილი. აღსანიშნავია, რომ საქველმოქმედო აქციაზე ანა კობაიძის დასახმარებლად ,,ჩემი სახლის” მზრუნველობამოკლებული ბავშვების ხელნაკეთი ნივთებიც გაიყიდება.

საქველმოქმედო გამოფენა-გაყიდვაზე წარმოდგენილი იქნება ტიხრული მინანქრის, აკრილის, თიხის, ლითონის, ხისა და ტყავით შექმნილი სამკაულები; ცნობილი ქართველი დიზაინერების ხელნაკეთი ჩანთები, მაისურები, ყაბალახები და ქუდები; ქართველი მხატვრების ნახატები და მინანქარში შესრულებული ექსკლუზიური სამკაულები. აქციის ფარგლებში ასევე გაიყიდება იშვიათი საოჯახო ნივთები, წიგნები და სხვა ორიგინალური ნაკეთობები.

საქველმოქმედო აქცია მიზნად ისახავს ჟურნალისტ ანა კობაიძის საზღვარგარეთ სამკურნალოდ საჭირო თანხების მოძიებას.

ყველას გთხოვთ მობრძანდეთ, შეიძინოთ სიმბოლურ ფასად წარმოდგენილი ექსკლუზიური ნივთები რათა ერთად გადავარჩინოთ ანას სიცოცხლე.

საქველმოქმედო აქცია #ანასთვის გაიმართება 2017 წლის 27 ოქტომბერს, ალექსანდრე ყაზბეგის #12ა ნომერში (“ლევილი”) 17 საათიდან 22 საათამდე. დასწრება თავისუფალია.

საკონტაქტო ნომერი:

+995 579 220 880

#ერთადანასთვის #სიკეთეგადამდებია

ანა კობაიძის დასახმარებლად ასევე გახსნილია საბანკო ანგარიში

ს/ს "საქართველოს ბანკი"

ბანკისკოდი: BAGAGE22

ანგ. ნომ: GE64BG0000000854723500

,,თიბისი ბანკი"

TBCBGE 22

ანგ. ნომ: GE75TB7047345061600016

მიმღები: კობაიძე ანა