ენმ აქციის დარბევის პროვოცირებას ცდილობს - სოფიო კილაძე

პარლამენტის ადამიანის უფლებათა კომიტეტის თავმჯდომარის, სოფიო კილაძის შეფასებით, ენმ აქციის  დარბევის პროვოცირებას ცდილობს. 
საკრებულოსთან განვითარებული მოვლენების შეფასებისას მან ასევე განაცხადა, რომ ივანიშვილი არის ადამიანი, რომელმაც უამრავი კარგი რამ გააკეთა ამ ქვეყნისთვის.

,,ოპოზიცია ყველანაირად ცდილობს, რამენაირად ჩირქი მოსცხოს მის სახელს, თუმცა ზუსტად ვიცი, ეს არ გამოუვა. ხალხმა ძალიან კარგად იცის, რა დამსახურება აქვს ბიძინა ივანიშვილს ჩვენი ქვეყნის და ერის წინაშე. ეს არის "ნაციონალური მოძრაობის" პროვოკაცია, რომ იქნებ გამოიწვიონ ხელისუფლება, იქნებ ვინმემ დაარბიოს, მაგრამ ჩვენი სამართალდამცავი სისტემა არის მოწოდების სიმაღლეზე, ყველაფერი უნდა იყოს და იქნება კიდეც კანონის შესაბამისად",- განაცხადა კილაძემ.