სასტუმრო Mardan Palace 360,5 მლნ თურქულ ლირად გაიყიდა

ანტალიაში ყველაზე ძვირადღირებული სასტუმრო Mardan Palace, რომელიც 2009 წელს აშენდა და რუსი ბიზნესმენის ტელმან ისმაილოვის საკუთრება იყო, გაიყიდა. სასტუმრო აუციონის საშუალებით გასხვისდა.

თურქული სააგენტო AA წერს, რომ ადრე Mardan Palace Hotel-ი 650 მლნ თურქულ ლირად იყო შეფასებული, ხოლო მის ტერიტორიაზე განთავსებული ვილები კი 69 მლნ 750 ათას თურქულ ლირად.
აუციონის გამარჯვებული და შესაბამისად Mardan Palace Hotel-ის მფლობელი კომპანია Halkbank-ი გახდა, რომელმაც სასტუმროში 360,5 მლნ თურქული ლირა გადაიხადა. სასტუმრო Mardan Palace აუქციონზე ბანკმა GARANTİ-მა გაიტანა.

აღსანიშნავია, რომ 2010 წელს Mardan Palace-ი მსოფლიოში ყველაზე ფეშენებელურ სასტუმროდ აღიარეს.