ოკუპირებულ აფხაზეთში მეორე მსოფლიო ომის დროს დაღუპული საბჭოთა ჯარისკაცების ცხედრები იპოვეს

ოკუპირებულ აფხაზეთში მეორე მსოფლიო ომის დროს დაღუპული 30 საბჭოთა ჯარისკაცის ნეშთები აღმოაჩინეს. ამის შესახებ ინფორმაციას აფხაზური მედია ავრცელებს. ცხედრები საძიებო ექსპედიციამ იპოვა.

გავრცელებული ინფორმაციით, ჯარისკაცები 1942 წლის 15-16 ოქტომბერს დაიღუპნენ, როდესაც საბჭოთა არმიამ სანჩარის უღელტეხილის დაკავებისათვის ბრძოლაში მარცხი განიცადა. გარდაცვლილები ამ დრომდე დაკრძალულები არ ყოფილან.მათი ცხედრები ქვების ქვეშ იპოვეს.