თუფაქი მადონას კანის ფერის გამო დაშორდა

აუქციონზე გასაყიდად გამოიტანეს წერილი, რომელიც რეპერ თუფაქ შაკურს ეკუთვნის და ის 1995 წელს მადონასადმი აქვს მიწერილი.  

 წერილში ის მადონას პატიებას სთხოვს და განმარტავს, რომ მასთან დაშორების მიზეზი კანის ფერის განსხვავებაა. მისი თქმით, მას თაყვანისმცემლები ვერ გაუგებდნენ.

ლოტის საწყისი ფასი 100 ათას დოლარს შეადგენს.

ორი წლის წინ მადონამ აღიარა, რომ მას თუფაქთან რომანი ნამდვილად ჰქონდა, თუმცა მათი ურთიერთობის სხვა დეტალები არ გაუმხელია.

თუფაქის წერილი 1995 წლის 15 იანვრითაა დათარიღებული, როდესაც ის ნიუ-იორკის ციხეში სასჯელს იხდიდა. ის საპყრობილეში სექსუალური ხასაითის შევიწროების ბრალდებით მოხვდა.

წელიწადნახევრის შემდეგ 1996 წლის სექტემბერში კი ლეგენდარული რეპერი ლას-ვეგასში მოკლეს.

წერილის დაწერის  მომენტში ორივე მომღერალი თავიანთი დიდების ზენიტში იმყოფებოდა.

 „შენთვის შავკანიან მამაკაცთან ერთად გამოჩენა შენს კარიერას არანაირად არ დააზარალებს, პირიქით - გაცილებით გახსნილი და საინტერესო იქნები“, - წერს მადონას 23 წლის თუფაქი.

 „მაგრამ ჩემთვის ეს ნიშნავს, რომ ვუღალატო იმ ხალხს, რომლის წყალობითაც გავხდი ის, ვინც გავხდი. როგორც ამბობდი, მე არ ვიყავი შენთვის ის მეგობარი, რომელიც შეიძლება ვყოფილიყავი“, - აღიარებს თუფაქ შაკური და მადონას პატიებას სთხოვს. თუფაქი თავის წერილში განმარტავს, რომ ზედმეტად ახალგაზრდა და გამოუცდელი იყო მადონას გვერდით, რომელიც იმ დროს 36 წლის იყო.

ახალგაზრდული ასაკის მიუხედავად, თუფაქ შაკური მსოფლიოში ჰიპ-ჰოპის უდიდესი ფიგურა გახდა და დიდი გავლენა მოახდინა დღეს უკვე ცნობილ რეპერებზე.