ნიკოლოზ ბასილაშვილისა და რაფაელ ნადალის შეხვედრა მიმდინარეობს

საფრანგეთის ღია პირველობაზე ქართველი ჩოგბურთელის ნიკოლოზ ბასილაშვილისა  და ტურნირის ერთ-ერთი მთავარი ფავორიტის, ესპანელი რაფაელ ნადალის შეხვედრა ამ წუთებში მიმდინარეობს. "როლან გაროსზე" 1/16-ფინალური შეხვედრა თბილისის დროით 15:00 სთ-ზე დაიწყო.  

ნიკოლოზ ბასილაშვილი, რომელიც მსოფლიო რეიტინგში 68-ე ადგილზეა, რაფაელ ნადალს (4) აქამდე არასდროს დაპირისპირებია. 

30 წლის ესპანელმა სპორტსმენმა "როლან გაროსზე"   ცხრა გამარჯვება მოიპოვა. მიმდინარე ტურნირზე პირველი ორი შეხვედრა, ბენუა პერსა და რობინ ჰაასესთან იოლად მოიგო.

25 წლის ქართველმა ჩოგბურთელი "როლან გაროსზე" მესამედ გამოდის.  წელს პირველ წრეში ფრანგი ჟილ სიმონი (32) დაამარცხა, მეორეში კი სერბ ვიქტორ ტროიცკის (38) სძლია.