კომპანია „ინოვასის “ წარმატება გამოფენაზე „CPHI Worldwide 2015“
საქართველო, თბილისი - 15:35 | 03.11.2015 ნანახია: 1477საქართველოს ეკონომიკისა და მდგარდი განვითარების სამინისტროს მეწარმეობის განვითარების სააგენტოს ორგანიზებითა და ხელშეწყობით კომპანიებმა „PSP“, „ავერსი“ და „ინოვასი“ მონაწილეობა მიიღეს მსოფლიო ფარმაცევტული ინდუსტრიის ყველაზე დიდ გამოფენაში „CPHI Worldwide 2015” და რაც მნიშვნელოვანია, პირველად წარსდგნენ პროდუქციის პრეზენტატორის, ე.წ exhibitor-ის რანგში, რადგან 2015 წლამდე ყველა ქართული კომპანია მხოლოდ ვიზიტორის სტატუსით იმყოფებოდა ზემოხსენებულ ღონისძიებაზე. „CPHI Worldwide 2015“ ერთ-ერთი ყველაზე გავლენიანია ფარმაცევტულ ინდუსტრიაში, იგი აერთიანებს კომპანიებს მთელი მსოფლიოდან და ათასობით ვიზიტორს უყრის თავს, ამჯერად, კი ვიზიტორების რიცხვმა 40 000-ს გადააჭარბა.
ქართული პროდუქციის წარმდგენებს შორის იყო, 2012 წელს დაარსებული კომპანია „ინოვასი“, რომელიც 2014 წლიდან სამთავრობო პროგრამის „აწარმოე საქართველოში“ ბენეფიციარია და სარგებლობს ფინანსური მხარდაჭერის კომპონენტით. ფარმაცევტული კომპანიისათვის საერთაშორისო გამოფენა მეტად შედეგიანი აღმოჩნდა. „ინოვას“ უკვე აქვს კონკრეტული შეკვეთები რუსეთის, ყაზახეთისა და უკრაინის მხრიდან, თანამშრომლობას ასევე განიხილავს დასავლეთ აფრიკის ერთ-ერთი სახელმწიფო-ბენინი. ამასთანავე, „ინოვასის“ წარმომადგენლებთან გასაუბრებისა და კომპანიის პოტენციალის გაცნობის შემდეგ იტალიურმა კომპანიამაც გამოხატა თანამშრომლობის სურვილი და ამ ეტაპზე მიმდინარეობს მოლაპარაკება ერთ-ერთი ფარმაკოლოგიური პროდუქციის აქტიური ინგრედიენტის ექსკლუზიურად კომპანია „ინოვასისგან“ შეძენაზე და შესაბამისად, სხვა მომწოდებელი ქვეყნის საქართველოთი ჩანაცვლებაზე. ასევე, დამყარდა მნიშვნელოვანი კონტაქტი მსოფლიოს მასშტაბით, სხვადასხვა კონტინენტზე მოღვაწე კომპანიებთან, რომელთა გამოცდილებაც დაეხმარება ქართულ კომპანიას ბიზნესის შემდგომ განვითარებაში.
აღსანიშნავია, რომ კომპანია „ინოვასი“ გამოირჩევა სულისკვეთებითა და მოტივაციით შეიტანოს წვლილი ზოგადად ქართული ფარმაცევტული ინდუსტრიის განვითარებაში, რასაც მოწმობს კომპანიის მიერ ქ. თბილისის სახელმწიფო სამედიცინო უნივერსიტეტთან გაფორმებული შეთანხმებაც. მოლაპარაკების მიხედვით სამედიცინო უნივერსიტეტის სტუდენტები სასწავლო პრაქტიკას გაივლიან უშუალოდ ახალ, საერთაშორისო სტანდარტების საწარმოში, რომელსაც კონსულტანტების სახით მოწვეული ჰყავს ფარმაკოგნოზიის დარგში ევროპის წამყვანი სპეციალისტები.
ამასთანავე „ინოვასი“ გეგმავს აქტიურ თანამშრომლობას ტრადიციული მედიცინის მიმართულებით მოღვაწე პირებთან, კერძოდ, მათ მიერ დამზადებული პროდუქციის საწარმოო წესით გამოშვებას.
გარდა ფარმაცევტული ინდუსტრიის განვითარების ხელშეწყობისა, „ინოვასი“ გამოირჩევა მაღალი სოციალური პასუხიმგებლობით. წლევანდელი რთველის მიმდინარეობისას კომპანია იყო ერთ-ერთი პირველთაგანი, ვინც სოლიდარობა გამოუცხადა ქართველ გლეხებს და შექმნილი ვითარების შესამსუბუქებლად შეიძინა 50 ტონა ყურძენი.
აღსანიშნავია, რომ „ინოვასის“ საერთაშორისო სტანდარტების საწარმოს დასაარსებლად 4 მილიონ აშშ დოლარამდე ინვესტიცია განხორციელდა, რის შედეგადაც აშენდა გერმანელი და ქართველი ინჟინრების მიერ დაპროექტებული საერთაშორისო სტანდარტების საწარმო და მოხდა მისი უახლესი ტექნოლოგიის საწარმოო ხაზის მანქანა-დანადგარებით აღჭურვა. საწარმო უახლოეს მომავალში გაიხსნება და იქნება რეგიონში პირველი კონტრაქტული მწარმოებელი, რომელიც თანამედროვე სტანდარტებით დაამზადებს აქტიურ ფარმაცევტულ ინგრედიენტებს. პირველ ეტაპზე უშუალოდ საწარმოში 50 ადამიანამდე დასაქმდება. ეტაპობრივად ეს ციფრი გაორმაგდება, სეზონურად კი 2016 წლიდან ნედლეულის მოსაგროვებლად 500-600 ადამიანამდე დასაქმდება.
„CPHI Worldwide 2015“ ფარმაცევტული პროდუქტების სექტორში ერთ-ერთი მსხვილმასშტაბიანი ღონისძიებაა, რომლის საგამოფენო სივრცე 153 სხვადასხვა ქვეყნიდან 36 000 პროფესიონალსა და ფარმაცევტულ ბაზარზე მოღვაწე ძირითად მოთამაშეებს აერთიანებს, მათ შორის წარმომადგენლებს ჩინეთიდან, ინდოეთიდან, ამერიკიდან, თურქეთიდან, მალაიზიიდან და რუსეთიდან.
აღნიშნული ღონისძიების ფარგლებში ეროვნული სტენდის ქვეშ სამი ქართული ფარმაცევტული კომპანიის, „PSP“, „ავერსისა“ და „Ynnovas“-ის, პროდუქცია განთავსდა. ქართული ნაწარმის გაცნობის შესაძლებლობა ღონისძიებაზე დამსწრე ნებისმიერ მსურველს ჰქონდა და კომპანიათა წარმომადგენლებთან უშუალო გასაუბრების, სამომავლო თანამშრომლობისა თუ სხვა საორგანიზაციო საკითხების განხილვა შეეძლო.
ხაზი უნდა გაესვას, რომ მეწარმეობის განვითარების სააგენტო მსგავსი ტიპის ღონისძიებებს პერმანენტულად უწევს ორგანიზებას და აღნიშნული სახის გამოფენებში მონაწილეობით ხელს უწყობს ქართული პროდუქციის პოპულარიზაციას, ამასთანავე, სათანადო პლატფორმას ქმნის ახალი სავაჭრო პარტნიორების შეძენისა და კონტაქტების დამყარების კუთხით.
რაც ყველაზე მნიშვნელოვანია, 2015 წლის იანვრიდან მოყოლებული მეწარმეობის განვითარების სააგენტოს მხარდაჭერით 87 კომპანიამ 11 საერთაშორისო წამყვან გამოფენაში მიიღო მონაწილეობა და “Gulfood 2015“-ის, "Taste Georgia“, “Sial China 2015”, "საქართველო-სლოვაკეთის ბიზნეს ფორუმის“, “NYC Summer Fancy show”, “Riga Food 2015”, “Discover Georgia”, ნიუ-იორკის საინვესტიციო ფორუმის, "Polagra Food 2015" , Anuga 2015-ისა და “CPHI Worldwide 2015”-ის სახით საზღვრებს გარეთ ეროვნული ნაწარმის წარმატებით გატანაში მნიშვნელოვანი წვლილი შეიტანა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა