ჯორჯ და ამალ ქლუნები ტყუპებს ელოდებიან

ამერიკელი მსახიობი ჯორჯ ქლუნი და მისი მეუღლე ადვოკატი ამალ ქლუნი ტყუპებს ელოდებიან.

ტელეარხ CBS-ის ცნობით, პატარები ივნისში უნდა გაჩნდნენ. ჟურნალი People წერს, რომ  მომავალი მშობლები ძალიან ბედნიერები არიან.

ქლუნების წარმომადგენლებს ამალის ორსულობაზე კომენტარი ჯერ არ გაუკეთებიათ.

ხმები იმის შესახებ, რომ წყვილ მატებას ელოდებოდა, იანვარში გავრცელდა, როდესაც ამალ ქლუნი ერთ-ერთ ღონისძიებაზე თავისუფალი კაბით გამოჩნდა.

ჯორჯ ქლუნი და ამალ ალამუდინი ვენეციაში 2014 წელს დაქორწინდნენ.