პაპარაცებმა კრისტენ სტიუარტი ლესბოსური კოცნის დროს დააფიქსირეს (ფოტოკოლაჟი)

ჟურნალისტებმა ცნობილი საგის ”ბინდის” 26 წლის ვარსკვლავი კრისტენ სტიუარტი Victoria's Secret-ის მოდელთან სტელა მაკსველთან მხურვალე კოცნის დროს დააფიქსირეს.

ამერიკელი ვარსკვლავის ცხოვრებას ძნელია მშვიდი უწოდო. რობერტ პატინსონთან განშორების შემდეგ მან ორიენტაცია შეიცვალა და გოგონებს ხელთათმანებივით იცვლის.  

თავდაპირველად კინოვარსკვლავი თავის თანაშემწეს ალისია კარგაილს ხვდებოდა, მაგრამ ფრანგი მომღერლის სოკოს გამო მალევე მიატოვა. გასული წლის გაზაფხულზე კრისტენს მოკლეხნიანი რომანი ჰქონდა მაილი საირუსის ყოფილ მეგობართან სტელა მაკსველთან, რომელიც მის თანაშემწესთან ურთიერთობის განახლების შემდეგ დასრულდა.  მაშინ, როდესაც საზოგადოება სტიუარტის ქორწინებაზე ალაპარაკდა, მსახიობმა მოულოდნელად კარგაილს მომღერალ St. Vincent-თან უღალატა. მასთან მცირეხნიანი რომანის შემდეგ კი შეხვედრები კვლავ მაკსველთან დაიწყო.

თუმცა კრისტენისა და სტელას ურთიერთობა სიმშვიდით არ გამოირჩევა. ახალი წლის წინ Victoria's Secret -ის 26 წლის მოდელი შეყვარებულის სასტიკ ცემაში დაადანაშაულეს. მოდელთან გატარებული ღამის შემდეგ ”ბინდის” ვარსკვლავი საზოგადოებაში გადატყავებული მუხლებით, გახეთქილი ტუჩითა და სახეზე დალურჯებებით გამოჩნდა.

თუმცა ახალ წელს გოგონებმა შერიგება მოასწრეს და იტალიაში სამოგზაუროდ გაემგზავრნენ.

კრისტენ სტიუარტი და სტელა მაკსველი