ჟურნალისტ გიორგი გასვიანის ცემის ფაქტზე სამი პირი დააკავეს

ტელეკომპანია „იბერიას“ ჟურნალისტის, გიორგი გასვიანის ცემისა და მუქარის ფაქტზე სამი პირი დააკავეს. როგორც საქართველოს მთავარი პროკურატურაში განცხადეს, ბრალდებულის სახით დაკავებულები არიან მიხეილ ხუციშვილი, პაატა კვინიკაძე და ბორის გოგიჩაიშვილი.

სამივე მათგანი წინასწარი დაკავების იზოლატორშია მოთავსებული. 

ყოფილ პოლიციელებს სისხლის სამართლის კოდექსის 151-ე და 126-ე მუხლის პირველი ნაწილით წაუყენეს ბრალი, რაც ცემისა და მუქარის განხორციელებას გულისხმობს.

დაკავების თაობაზე ვრცელ ინფორმაციას პროკურატურა ხვალ გაავრცელებს.

შეგახსენებთ, რომ შემთხვევა ბორჯომში მოხდა. ჟურნალისტი სამართალდამცველს ცემაში ადანაშაულებდა და აცხადებდა, რომ ნასვამ მდგომარეობაში მყოფილი პოლიციელი ორ პირთან ერთად მას ფიზიკურად გაუსწორდა.