ქვეყნის მარკეტინგული და სარეკლამო კამპანიების წარმოებისთვის დამატებით 7,5 მლნ ლარი დაიხარჯება

საქართველოს მარკეტინგული და სარეკლამო კამპანიების წარმოების მიზნით ტურიზმის ეროვნულმა ადმინისტრაციამ დამატებით 7,5 მლნ ლარი მიიღო. დაფინანსება ადმინისტრაციამ მთავრობის სარეზერვო ფონდიდან ჩაერიცხება. როგორც მთავრობის №2167 განკარგულებიდან ირკვევა, საქართველოს მარკეტინგული და სარეკლამო კამპანიების წარმოების მიზნით განსახორციელებელი ღონისძიებების დაფინანსების მიზნით, საქართველოს ფინანსთა სამინისტრომ, „ საქართველოს 2015 წლის სახელმწიფო ბიუჯეტის შესახებ “ საქართველოს კანონით გათვალისწინებული საქართველოს მთავრობის სარეზერვო ფონდიდან , საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ – საქართველოს ტურიზმის ეროვნულ ადმინისტრაციას გამოუყოს 7 500 000 ლარი.