საქართველოს აეროპორტების მიერ გატარებული მგზავრების რაოდენობა 12 %-ით გაიზარდა

საქართველოს აეროპორტების მიერ გატარებული მგზავრების რაოდენობა 12 %-ით გაიზარდა. საქართველოს სამოქალაქო ავიაციის სააგენტოს ინფორმაციით, 2015 წლის იანვარ-სექტემბერში საქართველოს აეროპორტები, რეგულარული თუ არარეგულარული რეისებით სულ 1 მლნ 769 ათას 485 მგზავრს მოემსახურა, 2014 წლის 9 თვეში კი 1 მლნ 578 ათას 616 მგზავრს, შესაბამისად მგზავრთნაკადის ზრდამ 12.09%-ი შეადგინა.

სტატისტუიკური ინფორმაციის მიხედვით, 2015 წლის 9 თვეში აეროპორტების მიერ გატარებული მგზავრების რაოდენობა 25.89%-ით აღემატება 2013 წლის ანალოგიურ პერიოდში, საქართველოს აეროპორტების მიერ გატარებული მგზავრების რაოდენობას.

სტატისტიკური ინფორმაციის მიხედვით, 2013 წლის იანვარ-სექტემბერში საქართველოს აეროპორტების მომსახურებით 1 მლნ 405 ათას 562 მგზავრმა ისარგებლა.