ბათუმის საერთაშორისო აეროპორტს მგზავრთნაკადი მხოლოდ 2 %-ით გაეზარდა

იანვარ-სექტემბრის მონაცემებით, ბათუმის საერთაშორისო აეროპორტს მგზავრთნაკადი მხოლოდ 2 %-ით გაეზარდა. საქართველოს სამოქალაქო ავიაციის სააგენტოს ინფორმაციით, იანვარ-სექტემბერში ბათუმის საერთაშორისო აეროპორტი 186 ათას 865 მგზავრს მოემსახურა. 2014 წლის იანვარ-სექტემბერში კი 183 ათას 570 მგზავრს, შესაბამისად მიმდინარე პერიოდისთვის ზრდამ 1.79%-ი შეადგინა. 2015 წლის 9 თვის მონაცემებით, 2013 წლის 9 თვის მონაცემებთან შედარებით, ბათუმის საერთაშორისო აეროპორტში რეგულარული თუ არარეგულარული რეისებით 9,60 %-ით მეტმა მგზავრმა ისარგებლა.

სააგენტოს ინფორმაციით, 2013 წლის იანვარ-სექტემბერში ბათუმის საერთაშორისო აეროპორტმა სულ 170 ათას 490 მგზავრი გაატარა.