მეჯვრისხევში საკრებულოს დეპუტატი დაჭრეს

გორის მუნიციპალიტეტში ქართული ოცნების სოფელ მეჯვრისხევის საკრებულოს დებუტატი ალექსანდრე ბუჯიაშვილი და ადგილობრივი მცხოვრები დაჭრეს.

ვრცელდება ინფორმაცია, რომ ჭრილობა ორივეს სოფლის გამგებელმა მიაყენა. პაატა ბურჭულაძის პარტიის მაჟორიტარობის კანდიდატის მედეა აბაშიძის მტკიცებით, ადგილობრივი ხელისუფლება და ინციდენტში მონაწილე პირები ამ ფაქტს უარყოფენ და მის დამალვას ცდილობენ.

წინასაარჩევნო პერიოდში ვითარების დაძაბვაში აბაშიძე ხელისუფლებას ადანაშაულებს.  დაჭრილებს სამედიცინო დახმარება გორის საავადმყოფოში აღმოუჩინეს.