თბილისში, გვიან ღამით, მამუკა ჩარკვიანის ვაჟი დაჭრეს?

წუხელ გავრცელდა ინფორმაცია, რომ თბილისში, გვიან ღამით, მომღერალ მამუკა ჩარკვიანის ვაჟი, ჯაკო ჩარკვიანი დაჭრეს, ამის შესახებ ინფორმაციას ambebi.ge ავცელებს.

როგორც ითქვა, 19 წლის ახალგაზრდას ცეცხლსასროლი იარაღით სამი ჭრილობა ჰქონდა მიყენებული _  ერთი ყელში და ორი ფეხებში. დაზარალებულის ახლობლების ინფორმაციით, ჯაკო ჩარკვიანს გვიან ღამით ოპერაცია ჩაუტარდა, სხეულიდან ტყვიები ამოუღეს და ამჟამად რესპუბლიკურ საავადმყოფოში წევს.  მისი ჯანმრთელობის მდგომარეობა ამჟამად სტაბილურია და უკვე პალატაში იმყოფება.

ინფორმაციას შვილის დაჭრის შესახებ, უარყოფს მომღერალი მამუკა ჩარკვიანი. მომხდართან დაკავშირებით შინაგან საქმეთა სამინისტროში ჯერჯერობით კომენტარს არ აკეთებენ.