დიმიტრი ქუმსიშვილი: აბრეშუმის გზის პოტენციალი, მაქსიმალურად უნდა გამოვიყენოთ
საქართველო, თბილისი - 19:54 | 16.10.2015 ნანახია: 1712თბილისის აბრეშუმის გზის ფორუმის ბოლო პანელში, სადაც საქართველოს საინვესტიციო შესაძლებლობებზე იმსჯელეს, მთავარი მომხსენებელი საქართველოს ეკონომიკისა და მდგრადი განვითარების მინისტრი, დიმიტრი ქუმსიშვილი იყო, რომელმაც პანელის მონაწილეებს საქართველოს ბიზნეს-გარემო და მიმდინარე ეკონომიკური რეფორმები გააცნო. საინვესტიციო პანელს ასევე საქართველოს ვიცე-პრემიერი გიორგი კვირიკაშვილი, თავისუფლებისა და დემოკრატიის ინსტიტუტის პრეზიდენტი ჰერნანდო დე სოტო, უცხოელი ინვესტორები და ქართველი ბიზნესმენები ესწრებოდნენ.
„მე მინდა მივესალმო თითოეულ თქვენთაგანს. ეს არის ჩემთვის ძალიან საინტერესო სესია, რადგან ქვეყანაში ინვესტიციების მოზიდვა არის ჩემი პირდაპირი ფუნქცია და მოვალეობა. პირდაპირი ინვესტიციები გადამწყვეტი მნიშვნელობისაა საქართველოს ეკონომიკისთვის. იმავდროულად, ძალიან მნიშვნელოვანია „ნოუ ჰაუ“ და გამოცდილება. ჩვენ გვჭირდება ახალი ტექნოლოგიები და ვთვლით, რომ ის პოტენციალი, რაც აბრეშუმის გზას აქვს, მაქსიმალურად უნდა გამოვიყენოთ“ - განაცხადა დიმიტრი ქუმსიშვილმა პანელზე სიტყვით გამოსვლისას,
მინისტრმა პანელის მონაწილეებს იმ მიღწევებზე ესაუბრა, რომელიც საქართველოს სხვადასხვა საერთაშორისო რეიტინგების მიხედვით აქვს ქონების რეგისტრაციის, მშენებლობის ნებართვების გაცემის, საგადასახადო მოქნილობის, ბიზნესის კეთების სიმარტივის, ეკონომიკური თავისუფლების მიხედვით და ა.შ. „ეს არის საკმაოდ სერიოზული მიღწევები ჩვენი ქვეყნისა. მინდა აღვნიშნო, რომ გასულ წელს პირდაპირი უცხოური ინვესტიციების რაოდენობამ მიაღწია თითქმის ორ მილიარდ დოლარს და იმედი გვაქვს, რომ უფრო მეტ ასეთ ინვესტიციას მოვიზიდავთ. ჩვენ გვაქვს უკვე თავისუფალი ვაჭრობის ხელშეკრულება ბევრ ქვეყანასთან, მათ შორის თურქეთთან, დსთ-ს ქვეყნებთან და სხვებთან, ახლა ვიწყებთ მოლაპარაკებებს ჩინეთთან თავისუფალი ვაჭრობის თაობაზე. ეს არის ძალიან მნიშვნელოვანი, რადგან ჩინეთი არის მსოფლიო მოსახლეობის ერთი მესამედი. ჩვენ გვაქვს მოთხოვნა და, შესაბამისად, უნდა მოვიძიოთ მიწოდება ანუ პირდაპირი უცხოური ინვესტიციები. როცა ჩვენ ვსაუბრობთ მოთხოვნა-მიწოდების თაობაზე, ერთი რამ აკლია ამ თანაფარდობას - ეს არის კაპიტალი, ფულადი თუ ადამიანური კაპიტალი“ - განაცხადა დიმიტრი ქუმსიშვილმა.
მინისტრის შეფასებით, საქართველოს ფინანსური სექტორი არის საკმაოდ წარმატებული და ძალიან სტაბილური სექტორი. „ჩვენ გვაქვს ძალიან კარგი საგადასახადო სისტემა, „ფორბსის“ შეფასებით, მეოთხე ადგილზე ვართ, გვისწრებს სამი თუ ოთხი ქვეყანა. ჩვენი ასევე გვაქვს ძალიან კარგი კანონი თავისუფალი ინდუსტრიული ზონების თაობაზე, კანონი ვირტუალური ოფისების შესახებ, რომელიც უზრუნველყოფს კარგ საგადასახადო სისტემას და საგასახადო რეჟიმს თავისუფალი ინდუსტრიული ზონისთვის. ასევე ავღნიშნავ, რომ თუ კი შექმნი რაღაც მომსახურებას, კომპიუტერულ პროგრამას, აქაც გვაქვს საგადასახადო შეღავათები. მაქსიმალურად ვცდილობთ, რომ ხელი შევუწყოთ IT ტექნოლოგიების განვითარებას, რადგან გვინდა, რომ ამ ბაზრიდანაც საკმაოდ ბევრი სარგებელი მივიღოთ“ - აღნიშნა მინისტრმა.
დიმიტრი ქუმსიშვილმა ასევე ვრცლად ისაუბრა იმ რეფორმებზე, რომელიც საქართველოს მთავრობამ განახორციელა წარმოების განვითარებისა და ექსპორტის ხელშეწყობის კუთხით. „გასულ წელს ჩვენ შევქმენით ორი დამატებითი სააგენტო - მეწარმეობის განვითარებისა და ინოვაციებისა და ტექნოლოგიების სააგენტოები. ამ ორი უწყების ფარგლებში მსოფლიო ბანკისა და სხვა დონორების დახმარებით შევქმენით რამდენიმე ინსტრუმენტი - ვეხმარებით ადამიანებს ბიზნესის დაწყებაში, ვხდებით რისკების თანამოზიარენი, ვიღებთ საინვესტიციო ვალდებულებებს და ამას ვასრულებთ. გვაქვს ასევე სხვადასხვა ფონდები, მათ შორის საპარტნიორო ფონდი, რომლის ერთ-ერთი მიზანია დაეხმაროს უცხოელ ინვესტორებს, რომ ჩამოვიდნენ საქართველოში და თუ მათ ესაჭიროებათ ადგილობრივი პარტნიორი, არსებობს ადგილზე თანხაც, პოტენციალიც და შესაძლებლობებიც. ეს არის დამატებითი ინსტრუმენტი ინვესტორების მოსაზიდად“ - განაცხადა დიმიტრი ქუმსიშვილმა და დასძინა, რომ საქართველოს მთავრობა ასევე აქტიურად თანამშრომლობს საერთაშორისო საფინანსო ინსტიტუტებთან, რომლებიც, მინისტრის თქმით, გვეხმარებიან და ხედავენ, რომ ქვეყანაში სტაბილურობა მიღწეულია.
„მაგალითად, ევროპის რეკონსტრუქციისა და განვითარების ბანკს აქვს ძალიან დიდი პორტფელი კერძო სექტორში, აზიის განვითარების ბანკი იწყებს მუშაობას კერძო სექტორზე, ასევე დაგეგმილია ახალი ფონდების შექმნა. მინდა აღვნიშნო, რომ საქართველოს ვიცე-პრემიერი, გიორგი კვირიკაშვილი, რომელიც ჩემამდე გახლდათ ეკონომიკის მინისტრი, არის ადამიანი, რომელმაც ხელი მოაწერა მემორანდუმს, რომლის საფუძველზეც ჩვენ შეგვიძლია მივიღოთ დამატებითი თანხები ქვეყანაში აბრეშუმის გზის ფონდის 40 მილიარდი აშშ დოლარის ოდენობის კაპიტალიდან. ჩვენ ვმუშაობთ, რომ საქართველო გახდეს ვაჭრობისა და ლოგისტიკის ჰაბი. უნდა შევქმნათ ახალი მიმართულებები და მოვახდინოთ დივერსიფიკაცია. ჩვენი ერთ-ერთი მთავარი მიზანია, რომ დაახლოვდეს მთავრობა, კერძო და სამეცნიერო სექტორი, გვინდა ვიპოვოთ ჩვენი ნიშა. სწორედ ცოდნაზე დაფუძნებული ეკონომიკის პირობებში შეგვიძლია შევქმნათ გაცილებით მეტი, შევქმნათ საექსპორტო პროდუქცია და ამ მიმართულებით უკვე ძალიან ბევრი გავაკეთეთ. ეკონომიკის სამინისტრო ასევე მუშაობს სახელმწიფო/კერძო პარტნიორობის კანონმდებლობაზე, ჩვენს ევროპელ კოლეგებთან და აზიის განვითარების ბანკთან ერთად, რაც ასევე შეუწყობს ხელს საქართველოში ინვესტორების შემოსვლას“ - განაცხადა საქართველოს ეკონომიკისა და მდგრადი განვითარების მინისტრმა.
პოლიტიკა
- კონტრაქცია ნიშნავს „ქართული ოცნების“ ბოლო ჟამს - სოფო ნიჟარაძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
- სახელმწიფო დეპარტამენტის ანგარიშში წერია ტყუილი იმასთან დაკავშირებით, თითქოს გვარამია იყო პოლიტპატიმარი - ირაკლი კობახიძე
სამართალი
- სკოლებსა და სავაჭრო ცენტრებში რაიმე სახის ასაფეთქებელი ნივთიერება ან მოწყობილობა აღმოჩენილი არ ყოფილა - სუს-ი
- ლაზარე გრიგორიადისის სასამართლოს დასკვნითი სხდომა ისევ გადაიდო
- განსაკუთრებით დიდი ოდენობით ნარკოტიკული საშუალების უკანონოდ შეძენა, შენახვა და გასაღებაში ბრალდებულს 14 წლით თავისუფლების აღკვეთა მიესაჯა
- სუროგაციის ცენტრ BIRTH-ში ტრანსნაციონალური დანაშაულის ფარგლებში საგამოძიებო მოქმედებები ჩატარდა
მსოფლიო
- აშშ-ის სამხედრო დახმარების შეფერხებას, უკრაინაში შედეგები მოჰყვა - იენს სტოლტენბერგი
- თუ უკრაინა დამარცხდება, ჩვენ, ყველა დავმარცხდებით - ბრიტანეთი და საფრანგეთი მოკავშირეებს მოუწოდებენ მეტი გააკეთონ უკრაინის დახმარებისთვის
- ჩვენ არ გვჯერა, რომ რაფაჰში შესვლა კარგი იდეაა, სხვა გზებიც არსებობს ამ საფრთხის შესაჩერებლად - ჯონ კირბი
- “ისლამური სახელმწიფო“, რომელმაც მოსკოვში მომხდარ ტერაქტზე პასუხისმგებლობა აიღო, თავდასხმებს საფრანგეთშიც გეგმავდა - ემანუელ მაკრონი
კონფლიქტები
- ოკუპირებულ აფხაზეთში მი-24 ჩამოვარდა
- ოკუპირებული აფხაზეთის ე.წ. პარლამენტმა ბიჭვინთის სახელმწიფო აგარაკის რუსეთისთვის გადაცემის შესახებ შეთანხმება დაამტკიცა
- რუსეთის საოკუპაციო ძალების მიერ უკანონოდ დაკავებული ლევან პეტრიაშვილი თავისუფალია - სუს-ი
- რუსეთის საოკუპაციო ძალების მიერ უკანონოდ დაკავებული მევლუდ ლაღოშვილი თავისუფალია - სუს-ი
ბიზნესი
- „ვოლვო ქარ საქართველოსთან“ პარტნიორობით „ასტრაზენეკა საქართველომ“ ავტოპარკი სრულად ელექტრო ავტომობილებით განაახლა
- „თეგეტა მოტორსში“ 27 აპრილიდან საგაზაფხულო ფასდაკლებები მოქმედებს
- „თეგეტა მოტორსის“ სპეციალური შეთავაზება VARTA-ს, EXIDE-ისა და ENERGIZER-ის აკუმულატორებზე
- 30%-იანი ქეშბექი Petlas-ის საბურავებზე - შეთავაზებები „თეგეტა მოტორსისგან“
სპორტი
- 26 მარტს, საქართველო-საბერძნეთის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი
- საქართველო - საბერძნეთის მატჩის ბილეთების გაყიდვა 23 მარტიდან დაიწყება
- საქართველო-ლუქსემბურგის მატჩის ნახვა რესპუბლიკის მოედანზე, დიდ ეკრანზეც იქნება შესაძლებელი, მოეწყობა სპეციალური ფანზონა
- The Guardian-მა უეფა-ს პრეზიდენტობის კანდიდატთა შორის ლევან კობიაშვილიც დაასახელა