თბილისობასთან დაკავშირებით ზოგიერთი ავტობუსის განრიგი შეიზღუდება

თბილისობის დღესასწაულთან დაკავშირებით, ქალაქში იგეგმება ღონისძიებები, რის გამოც 17 და 18 ოქტომბერს დროებით შეიზღუდება მუნიციპალური ავტობუსების მოძრაობა ხეთაგუროვის და გორგასლის ქუჩებზე, ასევე დაიკეტება ევროპის მოედანი.

მარშრუტები, რომლებიც გაივლიან ორთაჭალაში, იმოძრავებენ მარჯვენა სანაპიროს, მშრალი ხიდის, ვირსალაძის ქუჩის და ისევ მარჯვენა სანაპიროს გავლით ბარათაშვილის ქუჩის მიმართულებით, ხოლო № 59 და №122 მარშრუტები ხეთაგუროვის ქუჩის ნაცვლად იმოძრავებენ მარცხენა სანაპიროს გავლით.