თავდაცვის მინისტრმა გერმანიის ელჩი მიიღო

საქართველოს თავდაცვის მინისტრმა, ლევან იზორიამ საქართველოში გერმანიის ფედერაციული რესპუბლიკის ელჩს უმასპინძლა. ბეტინა კადენბახმა ლევან იზორიას საქართველოში გერმანიის თავდაცვის ახალი ატაშე, ვიცე-პოლკოვნიკი ფრანც-იოსებ ნოლტე წარუდგინა. თავდაცვის სამინისტროში გამართულ შეხვედრას მინისტრის პირველი მოადგილე ლელა ჩიქოვანი და გერმანიის თავდაცვის ყოფილი ატაშე ვიცე-პოლკოვნიკი ბერნარდ ჰოპი დაესწრნენ.

შეხვედრაზე საუბარი თავდაცვის სფეროში ორ ქვეყანას შორის არსებულ თანამშრომლობას შეეხო; განიხილეს როგორც რეგიონში, ასევე მსოფლიოში არსებული სამხედრო-პოლიტიკური ვითარება; საუბრის მთავარი თემა კი საქართველოსა და გერმანიას შორის სამხედრო თანამშრომლობის გაძლიერების პერსპექტივები იყო.