„პარლამენტისკენ მოემართება კოლექტიურ ივანიშვილთა ორგანიზებული ჯგუფი მილიონერთა ბანდების სახით" - შალვა ნათელაშვილი

„ლეიბორისტული" პარტიის ლიდერი შალვა ნათელაშვილი „ქართული ოცნების" მაჟორიტარი დეპუტატობის კანდიდატებს მოუწოდებს, საკუთარი კანდიდატურები მოხსნან.

„პარლამენტისკენ მოემართება კოლექტიურ ივანიშვილთა ორგანიზებული ჯგუფი მილიონერთა ბანდების სახით ახალი მილიარდების საშოვნელად. მოვუწოდებ კრიმინალ მილიონრებს, მოხსენით თქვენი ბინძური კანდიდატურები იქიდან, საიდაც თქვენი ადგილი არ არის. უნდა იყოს რაც შეიძლება ბევრი მდიდარი, მაგრამ არც ერთი მილიონერი პოლიტიკაში,“ - განაცხადა დღეს გამართულ ბრიფინგზე შალვა ნათელაშვილმა.