თეა წულუკიანი: ჰააგის გამოძიებაში, ჩვენი ინტერესია ქართველების ეთნიკური წმე

იუსტიციის მინისტრ თეა წულუკიანის განცხადებით, ჰააგის გამოძიებაში, საქართველოს ინტერესია ქართველების ეთნიკური წმენდის დამტკიცება. მინისტრი იმედოვნებს, რომ საერთაშორისო სასამართლო აგვისტოს ომის გამოძების პროცესში ქართული მხარის მტკიცებულებებს გაიზიარებს.

,,საქართველოს მთავრობა თანამშრომლობს ფატუ ბენსუდას ოფისთან იმ ორი მიმართულებით, რაც ჩვენთვის არის უმნიშვნელოვანესი და სახლემწიფო ინტერესის შემცველი. ეს არის ქართველების ეთნიკური წმენდა აგვისტოს ომის დროს, რომელზეც ძალიან ბევრი მტკიცებულება გვაქვს. იმედი მაქვს, რომ გამოძიება ჩვენს მტკიცებულებას გაიზიარებს. მეორე მიმართულება, ძირითადი, არის ჩვენი სამხედრო ტყვეების წამება და ზოგიერთი მათგანის მკვლელობა. სტრასბურგის სასამართლოშიც მიმდინარეობს პროცესი და ალბათ ძალიან მალე იქნება ზეპირი განხილვა, რადგან წერილობითი პროცედურები უკვე დასრულებულია",-აღნიშნა თეა წულუკიანმა.