დიდმა ბრიტანეთმა ევროკავშირის საბჭოს თავმჯდომარეობაზე უარი თქვა

დიდმა ბრიტანეთმა ევროკავშირის საბჭოს თავმჯდომარეობაზე უარი თქვა. ამის შესახებ პრემიერ-მინისტრმა ტერეზა მეიმ საბჭოს პრეზიდენტ დონალდ ტუსკთან სატელეფონო საუბრისას განაცხადა.

ევროკავშირის საბჭოს თავმჯდომარე სახელმწიფო ყოველ ექვს თვეში იცვლება, წინასწარ დამტკიცებული გრაფიკის მიხედვით.

დიდი ბრიტანეთი ევროკავშირის საბჭოს თავმჯდომარე ქვეყანა 2017 წლის მეორე ნახევრიდან უნდა გამხდარიყო. ტერეზა მეის თქმით, მღნიშნულ პერიოდში მისი მთავრობა დაკავებული იქნება ევროკავშირიდან დიდი ბრიტანეთის გასვლის შესახებ მოლაპარაკებებით.

19 ივლისს დიდი ბრიტანეთის მთავრობის იურისტმა ჯეისონ კოპელმა განაცხადა, რომ ლონდონი 2016 წლის ბოლომდე ლისაბონის ხელშეკრულების 50-ე მუხლს არ აამოქმედებს. 

23 ივნისს დიდ ბრიტანეთში გამართული რეფერენდუმის შედეგად მოსახლეობის უმრავლესობას ევროკავშირიდან გასვლას დაუჭირა მხარის, რის შემდეგაც პრემიერ-მინისტრმა დევიდ ქემერონმა გადადგომის შესახებ განაცახდა.