თბილისის მერის მოადგილის თანამდებობას კარლო ლეკვეიშვილი დაიკავებს

საქართველო, თბილისი - 15:43 | 19.07.2016

ნანახია: 3342

თბილისის მერის მოადგილის თანამდებობას სავარაუდოდ, კარლო ლეკვეიშვილი დაიკავებს.

ამის შესახებ ინფორმაცია 2030.news-ისთვის გახდა ცნობილი.

მერიის პრესსამსახურში აღნიშნულ ინფორმაციას არ ადასტურებენ.

როგორც მერიაში აცხადებენ, გიორგი ლილუაშვილს თანამდებობის დატოვების შესახებ განცხადება ჯერ არ დაუწერია. მათივე ინფორმაციით, ლილუაშვილი კუთვნილ შვებულებაში იმყოფება.

გიორგი ლილუაშვილი საქართველოს პრემიერ-მინისტრმა გიორგი კვირიკაშვილმა გუშინ ვანი-ხონის ოლქში „ქართული ოცნების“ მაჟორიტარი დეპუტატობის კანდიდატად წარადგინა.

კარლო ლეკვეიშვილი ასოციაცია „ატუს“ გენერალური დირექტორია.