გერმანიის მთავრობა: ქვეყანა, რომელიც სიკვდილით დასჯას იყენებს, ევროკავშირის ნაწილი ვერ იქნება

ქვეყანა, რომელიც სიკვდილით დასჯას იყენებს, ევროკავშირის ნაწილი ვერ იქნება. ამის შესახებ გერმანიის მთავრობის ოფიციალურმა წარმომადგენელმა შტეფენ ზაიბერტმა განაცხადა.

ზაიბერტის თქმით, სიკვდილით დასჯის აღდგენა თურქეთის ევროკავშირში გაწევრიანების შესახებ მოლაპარაკებების შეაჩერებს.

“გერმანიას და ევროკავშირის წევრ ქვეყნებს  გააჩნიათ მკაფიო პოზიცია ამ საკითხზე, ჩვენ კატეგრიულად მიუღებელი მიგვაჩნია სიკვდილით დასჯა”, - განაცხადა ზაიბერტმა.

ანალოგიური მოსაზრება გააჩნია ფედერიკა მოგერინისაც. ევროკავშირის უმაღლესმა წარმომადგენელმა ანკარას შეახსენა, რომ თურქეთი ევროსაბჭოს წევრი და ადამიანის უფლებების ევროპული კონვენციის ხელმომწერია.

16 ივლისის სახელმწიფო გადატრიალების მცდელობის შემდეგ თურქეთის პრეზიდენტმა რეჯეპ ტაიპ ერდოღანმა განაცხადა, რომ ხელისუფლება სიკვდილით დასჯის აღდგენას განიხილავს.

ბოლო სასიკვდილო განაჩენი თურქეთში 1984 წელს აღასრულეს. თურქეთმა სიკვდილით დასჯა 2004 წელს, ევროკავშირის წევრობის მისაღებად  ჩატარებული რეფორმების ფარგლებში გააუქმა.

წყარო:2030