მოვითხოვთ, ირანული გემის, მისი მეზღვაურების, ეკიპაჟისა და მათი ოჯახების დაუყოვნებლივ გათავისუფლებას, ნებისმიერ შემდგომ ესკალაციაზე სრული პასუხისმგებლობა აშშ-ს ეკისრება - ირანის საგარეო უწყება

ირანის საგარეო საქმეთა სამინისტრომ დაგმო ირანული სატვირთო გემ Touska-ს დაკავება აშშ-ის ძალების მიერ და მოითხოვა „ირანული გემის, მისი მეზღვაურების, ეკიპაჟისა და მათი ოჯახების დაუყოვნებლივ გათავისუფლება“. ამის შესახებ  ნათქვამია უწყების განცხადებაში. იუწყება CNN

ირანმა მანამდე პირობა დადო, რომ საპასუხო ზომებს მიიღებს გემის დაკავების გამო, რომელსაც საგარეო საქმეთა სამინისტრომ დღეს გავრცელებულ განცხადებაში „უკიდურესად სახიფათო“ და „დანაშაულებრივი“ უწოდა. განცხადებაში ასევე ნათქვამია, რომ ტვირთი მილიონობით დოლარის ღირებულების იყო, თუმცა არ დაკონკრეტებულა რა სახის ტვირთზეა საუბარი.

„ირანის ისლამური რესპუბლიკა გამოიყენებს ყველა რესურსს ირანის ეროვნული ინტერესებისა და უსაფრთხოების, ასევე მისი მოქალაქეების უფლებებისა და ღირსების დასაცავად. ასევე ნათელია, რომ რეგიონში ნებისმიერი შემდგომ ესკალაციაზე სრული პასუხისმგებლობა ეკისრება შეერთებულ შტატებს,“ - ნათქვამია განცხადებაში.

უცნობია რამდენი ადამიანი იმყოფებოდა გემზე და იყვნენ თუ არა ისინი ირანელები. 

როგორც ცნობილია, აშშ-ის პრეზიდენტ დონალდ ტრამპის განცახდებით, ამერიკის საზღვაო ძალებმა კვირას ცეცხლი გაუხსნეს და დააკავეს ირანის დროშის ქვეშ მცურავი გემი მას შემდეგ, რაც მან ომანის ყურეში აშშ-ის საზღვაო ბლოკადის გარღვევა სცადა. სამხედროების მიერ გავრცელებულ ვიდეოში ჩანს, როგორ ესვრიან გემს მართვადი რაკეტების გამშვებიდან და როგორ ეშვებიან საზღვაო ქვეითები ვერტმფრენი გემბანზე.