მოლდოვის ყოფილმა პრეზიდენტმა, დეპუტატმა იგორ დოდონმა, მოლდოვის პარლამენტის წევრებთან ერთად საქართველოს პარლამენტში შეხვედრები გამართა

მოლდოვის ყოფილი პრეზიდენტი, დეპუტატი იგორ დოდონი, მოლდოვის პარლამენტის წევრებთან ერთად საქართველოს პარლამენტს სტუმრობდა.

პარლამენტის პრესსამსახურის ინფორმაციით, თბილისში მყოფი მოლდოველი დეპუტატები მოლდოვას პარლამენტის საქართველოს პარლამენტთან მეგობრობის ჯგუფს წარმოადგენენ. მათ საქართველოს პარლამენტში მოლდოვას პარლამენტთან მეგობრობის ჯგუფის ხელმძღვანელი ისკო დასენი და ჯგუფის წევრები - მარიამ ლაშხი და გია ბენაშვილი შეხვდნენ.

პარლამენტის პრესსამსახურის ცნობით, მხარეებმა ორ ქვეყანას შორის არსებულ ურთიერთობებზე და საქართველოსა და მოლდოვას პარლამენტებს შორის თანამშრომლობის გაღრმავების პერსპექტივებზე ისაუბრეს, მათ შორის მეგობრობის ჯგუფების ფორმატში.

„მნიშვნელოვანია, რომ საქართველოში ვიზიტად იმყოფება მოლდოვას რესპუბლიკის პარლამენტის დელეგაცია. დარწმუნებული ვარ, ჩვენი დღევანდელი შეხვედრა ხელს შეუწყობს ორ ქვეყანას შორის ურთიერთობების განმტკიცებას“, - განაცხადა შეხვედრის დასრულების შემდეგ მოლდოვას რესპუბლიკის პარლამენტთან მეგობრობის ჯგუფის ხელმძღვანელმა ისკო დასენმა.