დღეს ირანზე მძიმე დარტყმები განხორციელდება, სრული განადგურება და გარდაუვალი სიკვდილი ელოდებათ იმ ტერიტორიებსა და ადამიანთა ჯგუფებს, რომლებიც სამიზნეებად არ განიხილებოდნენ - დონალდ ტრამპი

დღეს ირანზე ძალიან მძიმე დარტყმები განხორციელდება, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.

როგორც აშშ-ის პრეზიდენტი წერს, ეს პირველი შემთხვევაა, როდესაც ირანი ათასობით წლის განმავლობაში დამარცხდა მიმდებარე ახლო აღმოსავლეთის ქვეყნებთან.

„ირანმა, რომელიც ჯოჯოხეთისკენ მიდის, ბოდიში მოიხადა და დანებდა თავის ახლოაღმოსავლეთელ მეზობლებს, პირობა დადო, რომ მათ აღარ ესროდა. ეს დაპირება მხოლოდ აშშ-ისა და ისრაელის შეუჩერებელი თავდასხმის გამო იყო მიცემული. ისინი ახლო აღმოსავლეთის ხელში ჩაგდებასა და მართვას ცდილობდნენ. ათასობით წლის შემდეგ ეს პირველი შემთხვევაა, როდესაც ირანი დამარცხდა მიმდებარე ახლო აღმოსავლეთის ქვეყნებთან.

მათ მითხრეს: „გმადლობთ, პრეზიდენტო ტრამპ“. მე ვუთხარი: „არაფრის!“ ირანი აღარ არის „ახლო აღმოსავლეთის მოძალადე“, არამედ „ახლო აღმოსავლეთის დამარცხებული“ და ასეთად დარჩება მრავალი ათწლეულის განმავლობაში, ვიდრე არ დანებდება ან, უფრო სავარაუდოა, სრულად არ დაიშლება! დღეს ირანზე ძალიან მძიმე დარტყმები განხორციელდება! ირანის ცუდი ქცევის გამო სრული განადგურება და გარდაუვალი სიკვდილი ელოდებათ იმ ტერიტორიებსა და ადამიანთა ჯგუფებს, რომლებიც ამ მომენტამდე სამიზნეებად არ განიხილებოდნენ“, – წერს ტრამპი.