მკვლელის მკვლელობა არ არის მისალმების საგანი - ნინო წილოსანი

ყველა ქვეყნის კანონმდებლობაში მკვლელის მკვლელობა არ არის მისალმების საგანი, - ამის შესახებ "ქართული ოცნების" ერთ-ერთმა ლიდერმა, ნინო წილოსანმა ირანში განვითარებულ მოვლენებისა და საქართველოს მთავრობის სამძიმართან დაკავშირებით კომენტირებისას განაცხადა

"იცით, რომ მთავრობამ სამძიმარი გამოუცხადა ყველა ქვეყანას, რომელიც ამ სამხედრო ესკალაციის პროცესშია ჩართული, ყველა იქ გარდაცვლილს - როგორც სახელისუფლებო, ასევე მშვიდობიან მოქალაქეს. ამ სამძიმარს, რა თქმა უნდა, ვუერთდები”, - განაცხადა წილოსანმა და მედიას უთხრა, რომ „მარტივი პრინციპიც არ იციან როგორ მოქმედებს ადამიანის უფლებები და დემოკრატია.

მკვლელის მკვლელი სამართლებრივად კონკრეტული დეფინიციაა. უფრო დიდ მასშტაბზე არ გადავდივარ. ყველა ქვეყნის კანონმდებლობაში მკვლელის მკვლელობა არ არის მისალმების საგანი.

სამძიმართან დაკავშირებით იხილეთ მთავრობის განცხადება, სადაც ყველა უმძიმეს ფაქტთან არის სამძიმარი გამოთქმული”, - განაცხადა ნინო წილოსანმა.