რუსეთის ძალებმა ხარკოვზე მასირებული იერიში მიიტანეს, დაშავდა 8 ადამიანი

ხარკოვის პროკურატურის ინფორმაციით, 2 აპრილის ღამეს რუსეთის ძალების მიერ დრონებით თავდასხმის შედეგად 8 ადამიანი დაშავდა. მათ შორის ერთი 9 თვის ბავშვია.

პროკურატურის სპიკერის დმიტრი ჩუბენკოს ცნობით, რუსეთის მასირებული დარტყმების ქვეშ მოექცა ქალაქის ხოლოდნოგორსკის რაიონი.

დარტყმების უმეტესობა ინდუსტრიულ ზონაში მოხდა, რის შედეგადაც ხანძარი მოედო დაახლოებით ორი ათას კვადრატულ მეტრ ფართობს, სადაც განთავსებული იყო საწყობები და საწარმო. გარდა ამისა, დაზიანდა 20-მდე კერძო სახლი.

ჩუბენკოს განცხადებით, მტერმა გამოიყენა „გარან 2“-ის ტიპის დრონები.