Peking to Paris - „პორშე ცენტრი თბილისმა“ ისტორიული რალის მონაწილეებს უმასპინძლა
საქართველო, თბილისი - 12:02 | 29.07.2024 ნანახია: 2737
საერთაშორისო რალი პეკინი-პარიზი ცოტა ხნის წინ დასრულდა. ამჯერად ისტორიული მარშრუტის დასაფარად 70 კლასიკურ-ვინტაჟური ავტომობილი გაერთიანდა. მათ 13,680 კილომეტრი ჰქონდათ გასავლელი. რალიში ტრადიციულად „პორშეს“ უნიკალური მოდელებიც მონაწილეობდნენ.
წლევანდელ შეჯიბრებაში ჩართული „პორშეს“ პილოტები პეკინიდან პარიზამდე გადაადგილებისას გზად შექმნილი ტექნიკური პრობლემების გამო თბილისში, „პორშე ცენტრი თბილისის“ სერვისში გაჩერდნენ და საკუთარი ავტომობილების გამართვა „პორშეს“ ტექნიკოსებს მიანდეს. ისინი მთელი ღამის განმავლობაში მუშაობდნენ, რათა რალის მონაწილეებს პარიზის მიმართულებით სვლა დროულად გაეგრძელებინათ.
ირაკლი იმნაძე, „პორშე ცენტრი თბილისის“ გაყიდვების შემდგომი მომსახურების ხელმძღვანელი: „ამ ლეგენდარულ რალიში „პორშე ცენტრი თბილისის“ მონაწილეობა ძალიან მნიშვნელოვანი და სასიხარულოა. ჩვენ შევძელით, წვლილი შეგვეტანა ისტორიულ რალიში, რომელიც პეკინიდან პარიზამდე იმართება და უკვე მრავალი წელია წლის ერთ-ერთი ყველაზე მნიშვნელოვანი ღონისძიებაა. მასში მონაწილეობისთვის აუცილებელი პირობაა კლასიკური ავტომობილებით გადაადგილება. ბუნებრივია, გზადაგზა შესაძლოა გარკვეული ტექნიკური დახმარების აუცილებლობა გაჩნდეს. რალის მონაწილეები დანიშნულების ადგილზე კონკრეტულ დროში უნდა მივიდნენ, ამიტომ ოპერატიულობას გადამწყვეტი მნიშვნელობა აქვს.
ჩვენს სერვისცენტრში ზარი დაახლოებით საღამოს 8 საათზე შემოვიდა. ტექნიკოსები მთელი ღამის განმავლობაში მუშაობდნენ, რომ დროული სერვისი გაეწიათ და ორივე „პორშე“ მაქსიმალურად სწრაფად დაბრუნებულიყო რალის. ორივე მათგანს მნიშვნელოვანი დახმარება სჭირდებოდა: ერთ-ერთ მანქანას გადაბმულობა ჰქონდა შესაცვლელი, რაც ძრავის მთლიანად მოხსნის გარეშე შეუძლებელია. მეორე ავტომობილის პრობლემა კი მაღალ ბრუნზე ძრავის ძლიერი ვიბრაცია იყო, რაც ასევე ძრავის მოხსნასა და შეკეთებას საჭიროებდა. ცხადია, უმნიშვნელოვანესი ფაქტორია ისიც, რომ საუბარი გვაქვს კლასიკურ ავტომობილებზე, რომლებიც განსაკუთრებით დელიკატურ მოპყრობას მოითხოვენ როგორც დემონტაჟის, ისე მონტაჟის დროს. მიხარია, რომ ამ ისტორიული რალის მონაწილეებს სწორედ ჩვენ მოვემსახურეთ და შევძელით, მოკლე დროში აღმოგვეფხვრა შექმნილი პრობლემები“.
საავტომობილო რბოლა პეკინი-პარიზი პირველად 1907 წელს გაიმართა და 14 994 კილომეტრი მოიცვა. რბოლის იდეა ცნობილ ფრანგულ გაზეთში, Le Matin-ში, გამოქვეყნებულ განცხადებას უკავშირდება, სადაც ნათქვამია: „დღეს დასამტკიცებელია, რომ, თუ ადამიანს ჰყავს მანქანა, მას შეუძლია გააკეთოს ყველაფერი და წავიდეს ყველგან, სადაც მოესურვება. მოიძებნება ვინმე ისეთი, ვინც მზადაა, ამ ზაფხულს დაფაროს მანძილი პარიზიდან პეკინამდე?“
პირველმა ტრანსკონტინენტურმა ავტომოგზაურობამ მთელი მსოფლიო აალაპარაკა. 12 ათასი კილომეტრის დაფარვის შემთხვევაში გამარჯვებული ჯილდოდ 12 ათას ფრანკს მიიღებდა. რბოლა პეკინში საფრანგეთის საელჩოდან 1907 წლის 10 ივნისს დაიწყო. ჩინეთის დედაქალაქიდან სპორტსმენებს ევროპელი დიპლომატები, ხელისუფლების წარმომადგენლები და აურაცხელი ადამიანი მიაცილებდა. გამარჯვებული იტალიელი თავადი შიპიონ ბორგეზე პარიზში 18 დღის შემდეგ, 1907 წლის 10 აგვისტოს ჩავიდა.
რალიში მონაწილე ავტომობილები სისტემატურად საჭიროებდნენ სხვადასხვა სახის ტექნიკურ დახმარებას. მათ ადგილობრივი მექანიკოსები არემონტებდნენ. გადაუდებელი დახმარების აუცილებლობის წინაშე მანქანების აღმოჩენა რალის განუყოფელი ნაწილია. ამასთანავე, ნებისმიერი პრობლემა უმოკლეს დროში უნდა აღმოიფხვრას და დიდი მოგზაურობა გაგრძელდეს. სწორედ ამ ისტორიის ნაწილი გახდა „პორშე ცენტრი თბილისი“.
წლევანდელი რალი პეკინი-პარიზი 37 დღეს გაგრძელდა. გამარჯვებულებმა - ენდი ბუჩანმა და მაიკ სინკლერმა - 1928 წლის Bentley 4 ½ Le Mans-ით 14 500 კილომეტრი დაფარეს.
---
„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია პორშე ცენტრი თბილისი ქართულ ბაზარზე 2011 წლიდან ოპერირებს. კომპანია მომხმარებელს პრემიუმ ბრენდის უახლეს ავტომობილებს, ასევე სრულ სადიაგნოსტიკო და სარემონტო მომსახურებას, ორიგინალ ნაწილებს და აქსესუარებს სთავაზობს. შოურუმის გარდა, მომხმარებელს შესაძლებლობა აქვს, კომპანიის ვებგვერდზე კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც ,,პორშე ცენტრი თბილისი“ უზრუნველყოფს.
პოლიტიკა
- იუსტიციის მინისტრის თანამდებობას პაატა სალია დაიკავებს
- რეგიონული განვითარების მინისტრის თანამდებობას გრიგოლ ლილუაშვილი დაიკავებს
- სახელმწიფო უსაფრთხოების სამსახურს ანრი ოხანაშვილი უხელმძღვანელებს
- დღეს ისევ საფრთხეშია სისხლით მოპოვებული თავისუფლება, ისევ ქართველი ხალხის ერთსულოვნების დროა, ჩვენ ვართ ერი, დაბადებული გამარჯვებისთვის და გარდაუვლად ასე იქნება - მამუკა ხაზარაძე
საზოგადოება
- გზა ფერადი, დამოუკიდებელი ცხოვრებისკენ - „თეგეტა ჰოლდინგი“ „აუტიზმის ეროვნული ცენტრის“ მხარდამჭერია
- ექიმების საერთაშორისო დღეს „ვოლვო ქარ საქართველომ“ სამედიცინო სფეროს წარმომადგენლებს ტრადიციულად უმასპინძლა
- განათლება ძალადობის წინააღმდეგ - „მირაბალდები“ Tegeta.care-ზე
- ჩემთვის, გიორგის და სხვა დაღუპული სამხედროების, პოლიციელების, სამოქალაქო პირების ტრაგიკულად შეწყვეტილ სიცოცხლეზე პასუხისმგებლი არის მხოლოდ რუსეთი - მაკა ჩიკვილაძე
სამართალი
- სამეგრელოს პოლიციამ განსაკუთრებით დიდი ოდენობით ნარკოტიკი ამოიღო - დაკავებულია ბელარუსის მოქალაქე
- შსს-მ ”ქურდულ სამყაროსთან” კავშირში მყოფი 7 პირი დააკავა
- მიხეილ სააკაშვილს საზღვრის უკანონო კვეთის საქმეზე 4 წლითა და 6 თვით პატიმრობა მიესაჯა, განაჩენთა ერთობლიობით კი სასჯელის ვადად 12 წელი და 6 თვე განესაზღვრა
- ანატოლი გიგაური მოსამართლემ კვლავ პატიმრობაში დატოვა
მსოფლიო
- რუსეთის ძალებმა ხარკოვზე მასირებული იერიში მიიტანეს, დაშავდა 8 ადამიანი
- სენატმა ნატო-ში აშშ-ის ელჩის თანამდებობაზე მეთიუ უიტაკერის კანდიდატურა დაამტკიცა
- დონალდ ტრამპის ადმინისტრაციაში ამბობენ, რომ უახლოეს თვეებში უკრაინაში ცეცხლის შეწყვეტა შეუძლებელი იქნება - Reuters
- ილონ მასკის კომპანია X, თურქი ოპოზიციონერების, ჟურნალისტებისა და სტუდენტების 700-ზე მეტი ანგარიშის დაბლოკვაზე უარს ამბობს
კონფლიქტები
- ოკუპირებულ აფხაზეთში ე.წ. პარლამენტიდან რუსეთთან „საინვესტიციო ხელშეკრულების“ ე.წ. კანონპროექტის გატანისთვის ემზადებიან
- რუსეთმა ოკუპირებულ აფხაზეთს დაფინანსება შეუჩერა
- რუსეთის საოკუპაციო ძალების მიერ სოფელ დირბის მიმდებარედ, უკანონოდ დაკავებული საქართველოს ორი მოქალაქე თავისუფალია - სუს-ი
- ოკუპირებულ აფხაზეთში მი-24 ჩამოვარდა
ბიზნესი
- „მოემზადე“ – „თეგეტა მოტორსის“ ახალი სეზონური კამპანია
- „თეგეტა მოტორსში“ ზეთის, აკუმულატორისა და საბურავის შეცვლა 20 წუთშია შესაძლებელი
- ახალი ბრენდები, თანამედროვე შოურუმები და გაყიდვების გაზრდილი მაჩვენებლები - როგორი იყო Tegeta Cars-ის 2024
- „თეგეტას“ თურქეთის საავტომობილო ინდუსტრიის ექსპორტიორთა ასოციაცია ეწვია
თავდაცვა
- სუ-25-ის კატასტროფის ადგილზე, საგამოძიებო და საპროცესო მოქმედებები დასრულებულია - თავდაცვის სამინისტრო
- საქართველო პოლონეთისგან საზენიტო-სარაკეტო კომპლექსს შეისყიდის
- წლის ბოლომდე გამოვუშვებთ ქართული წარმოების უპილოტო საფრენ აპარატებს - ჯუანშერ ბურჭულაძე
- აშშ საქართველოს რუსეთის წინააღმდეგ თავდაცვის გასაძლიერებლად $35 მილიონს გამოუყოფს
სპორტი
- საქართველოს ნაკრები ერთა ლიგის პლეი ოფში სომხეთს შეხვდება
- საქართველოს ნაკრებმა ჩეხეთი დიდი ანგარიშით დაამარცხა
- საქართველოს ეროვნული ნაკრები ერთა ლიგის გათამაშებისთვის ემზადება
- თუშიშვილი ვერც გუნდურ შეჯიბრებაში მიიღებს მონაწილეობას, ქართველ ძიუდოისტს ეკრძალება სხვა ტურნირებზე გამოსვლაც, ვიდრე კომისია საბოლოო გადაწყვეტილებას მიიღებს