ივანიშვილს სძულს ქართველი ხალხი, განსაკუთრებით ახალგაზრდები, ვინც აპროტესტებს საქართველოს ევროპული გზიდან დაშორებას - ლევან ხაბეიშვილი

საქართველო, თბილისი - 17:57 | 31.05.2024
ნანახია: 1550

ქართველი ხალხი ივანიშვილს სძულს და განსაკუთრებით სძულს ის ახალგაზრდები, ვინც არ ეგუება, არ ემორჩილება და აპროტესტებს საქართველოს ევროპული გზიდან დაშორებას, – ამის შესახებ „ნაციონალური მოძრაობის“ თავმჯდომარე ლევან ხაბეიშვილი სოციალურ ქსელში წერს.

„შეხედეთ და ნახეთ, როგორ ასამართლებს ივანიშვილი პატრიოტ ახალგაზრდებს, მძევლად აიყვანა ნაწილი და კიდევ ასეულობით ახალგაზრდას ემუქრება. ივანიშვილს სძულს ქართველი ხალხი და განსაკუთრებით სძულს ის ახალგაზრდები, ვინც არ ეგუება, არ ემორჩილება და აპროტესტებს საქართველოს ევროპული გზიდან დაშორებას. ეს ნათელი სახეები, ჭკვიანები, ლამაზები და შეუპოვრები დაუბრუნებენ ჩვენს ქვეყანას ხალხს. ეს ახალგაზრდები არიან და იქნებიან ევროპული მომავლის გზაზე ბრძოლის ავანგარდში!

სისხლის სამართლის საქმე: ცოტნე აბესაძე – 25 წლის; იგორ ნარმანია – 22 წლის; ტიტე გედენიძე – 23 წლის; გვანცა გაზდელიანი – 23 წლის; ბექა პაპაშვილი – 23 წლის; ლაშა დიაროვი – 29 წლის; ადმინისტრაციული – საბა პაპაშვილი- 18 წლის; ბაჩო ძანძავა – 20 წლის; თამარ ლეგაშვილი – 26 წლის; ლუკა შველიძე – 21 წლის; ნიკოლოზ ხოსროშვილი -18 წლის; დავით ჩხობაძე – 20 წლის; დავით სეხნიაშვილი – 20 წლის; საბა ბირკაია – 18 წლის; დავით ზანდარაძე – 19 წლის. ასეულობით ახალგაზრდაა იგივე დევნის ობიექტი რუსული ხელისუფლების მხრიდან“, – წერს ლევან ხაბეიშვილი.




არქივი

მოგვძებნე Facebook-ზე