ჯოზეფ ბორელმა ევროკავშირის საბჭოს რუსული აქტივებიდან მიღებული შემოსავლების უკრაინის დახმარებისთვის გამოყენების შეთავაზება წარუდგინა

საქართველო, თბილისი - 14:55 | 20.03.2024
ნანახია: 3604

ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჯოზეფ ბორელმა  ევროკავშირის ქვეყნებს, გაყინული რუსული აქტივებიდან მიღებული შემოსავლების უკრაინის მხარდასაჭერად გამოყენება შესთავაზა.

ამის შესახებ ბორელი სოციალურ ქსელ X-ში წერს.

ბორელი იმედოვნებს, რომ შესაბამის ინიციატივას საბჭო სწრაფად დაამტკიცებს.

„დღეს მე წარვუდგინე საბჭოს უმაღლესი წარმომადგენლის შეთავაზება, რუსული გაყინული აქტივებიდან შემოსავალი გამოყენებულ იქნას უკრაინის მხარდასაჭერად გამარჯვებისთვის ბრძოლაში. 90%-ის სახსრების გამოყოფა ევროპის მშვიდობის ფონდისა და 10%-ის ევროკავშირის ბიუჯეტის გავლით მოხდება. მოუთმენლად ველოდები საბჭოს მიერ მის სწრაფ დამტკიცებას. ეს იქნება ევროკავშირის ერთიანობის და უკრაინისა და მისი ხალხის მხარდაჭერის დემონსტრირება“, – წერს ბორელი.




არქივი

მოგვძებნე Facebook-ზე