სამგორის რაიონში, სადაც 22 წლის გოგო მოკლეს, საგამოძიებო მოქმედებები გრძელდება

საქართველო, თბილისი - 18:19 | 28.02.2024
ნანახია: 3146

თბილისში, სამგორის რაიონში, სოფელ წინუბანში, სადაც დილით ახალგაზრდა ქალის ცხედარი ნახეს, საგამოძიებო ადგილზე ექსპერტ-კრიმინალისტები და გამომძიებლები მუშაობენ. ცხედარი ექსპერტიზაზეა გადასვენებული.

22 წლის გოგოს ცხედარი სახლის წინ, დილით, ორმოში ნახეს. გოგონას ჭრილობები  ცივი იარაღით აქვს მიყენებული.

ოჯახის წევრების თქმით, ღამის ორ საათზე გოგონას დაურეკეს.

გოგონა სახლიდან გავიდა, დილით კი მისი ცხედარი მამამ სახლიდან რამდენიმე მეტრში ნახა. პირი, რომელმაც გოგონას დაურეკა, სავარაუდოდ გოგონას ნათლიის შვილია, რომელიც იმავე სოფელში ცხოვრობს.

დაკავებული ჯერ არავინაა. გამოძიება მკვლელობის მუხლით მიმდინარეობს.




არქივი

მოგვძებნე Facebook-ზე