მსოფლიოში საუკეთესო ხარისხის საცხებ-საპოხი მასალების, Shell-ის  ექსკლუზიური დილერი საქართველოში, Transcaucasian Distribution Company წელს მომხმარებლებისთვის სასიამოვნო სიახლით იწყებს. „თეგეტას“ შვილობილი კომპანია 2024 წლიდან მომხმარებელს Shell-ის სპეციალურად BMW-ს მარკის ავტომობილებისთვის შექმნილი ძრავის ზეთებს  სთავაზობს.

იმ დინამიკისა და შესრულების დონის მისაღწევად, რასაც  BMW-ს წარმოების მანქანები გვთავაზობენ, საუკეთესო ხარისხის ზეთის გამოყენებაა საჭირო. ამ საქმეს თავად ბრენდი უკვე წლებია, Shell-ის წარმოებას ანდობს. სწორედ ამიტომ კომპანიამ გადაწყვიტა, ქართული ბაზრისთვის ექსკლუზიური შესაძლებლობა გაეჩინა – 2024 წლიდან „თეგეტა მოტორსის“ ფილიალებში Shell-ის სპეციალურად BMW-სთვის შექმნილი ზეთების ყიდვა შეგიძლიათ.

ანა იობიძე, Transcaucasian Distribution Company-ს მარკეტინგის მენეჯერი: „საქართველოში საკმაოდ პოპულარულია BMW-ს მარკის ავტომობილები. ამიტომ გადავწყვიტეთ, რომ მათი მფლობელებისთვის ის ძრავის ზეთი შეგვეთავაზებინა, რომელსაც თავად ბრენდი გლობალურად იყენებს. ამ ზეთის გამოყენებას რამდენიმე უპირატესობა აქვს, მათ შორისაა: უსაფრთხოება, ხარისხი, ეკონომიურობა, ეფექტურობა და სხვა.

BMW-ს ორიგინალი ძრავის ზეთი ხარისხის მკაცრ სტანდარტებსა და გარემოსდაცვით ტესტებს ეფუძნება. ეს იმას ნიშნავს, რომ მძღოლებს შეუძლიათ, თავი დაცულად იგრძნონ და  დარწმუნებულები იყვნენ ძრავის გამართულად მუშაობაში, რაც, თავის მხრივ, უსაფრთხოების გარანტია. გარდა ამისა, ორიგინალი ზეთის გამოყენება ხელს უწყობს CO2 გამონაბოლქვის შემცირებას და ზეთის ნაკლებ მოხმარებას, რაც საწვავის დაზოგვის კუთხითაც მნიშვნელოვანია“.

Shell-ისა და BMW Group-ის თანამშრომლობა უკვე მრავალ წელს ითვლის. ცოტა ხნის წინ მათი პარტნიორობის ხელშეკრულება განახლდა, რაც იმას ნიშნავს, რომ Shell კვლავაც რჩება გლობალური მასშტაბით BMW-სთვის ძრავის ზეთის მთავარ მიმწოდებლად. BMW Group-ში მიაჩნიათ, რომ  Shell-ის მაღალი ხარისხის პროდუქცია ეხმარება  BMW-ს, მომხმარებელს იდეალური გამოცდილება შესთავაზოს.

ანა იობიძე, Transcaucasian Distribution Company-ს მარკეტინგის მენეჯერი: „Shell-სა და BMW Group-ს მრავალწლიანი თანამშრომლობის ისტორია აკავშირებს. ხელშეკრულება, რომელიც მათ შორის ახლახან განახლდა, 150-ზე მეტ ქვეყანას ფარავს. ეს კონკრეტული ზეთი Shell PurePlus ტექნოლოგიას ეფუძნება, რომელიც  საბაზისო ზეთების ბუნებრივი აირისგან წარმოებას მოიაზრებს. საბაზისო ზეთები საპოხი მასალის 80%-ს შეადგენს და ძრავის ზეთის ძირითადი კომპონენტებია. Shell-ის ბუნებრივი აირის გათხევადების ტექნოლოგია,  40 წელზე მეტი ხნის კვლევის შედეგად შემუშავდა და ბუნებრივ აირს კრისტალურად გამჭვირვალე საბაზისო ზეთად გარდაქმნის.

ისეთი წამყვანი პრემიუმ მწარმოებლის მხრიდან, როგორიც BMW-ა, ასეთი ნდობის გამოცხადება Shell-ის ტექნოლოგიის უდავო უპირატესობაზე მიუთითებს“.

როგორც კომპანიაში ამბობენ, საქართველოში, ბრიტანული ბრენდის  რეპუტაციიდან და ხარისხიდან გამომდინარე, Shell-ის პროდუქციაზე დიდი მოთხოვნაა. BMW-ს მფლობელებისთვის სპეციალურად ამ მარკისთვის დამზადებული ძრავის ზეთის შეთავაზებაც, მომხმარებლის კმაყოფილების ინდექსის გაზრდას ემსახურება.

--

„თეგეტა ჰოლდინგში“ შემავალი კომპანია Transcaucasian Distribution Company 2010 წელს დაარსდა და რეგიონულ ბაზარს პრემიუმ ბრენდების პროდუქციას სთავაზობს. ესენია: Shell, Brembo, Energizer, Exide, Deta, Hagen, Hengst, Mann, Filtron. Shell-ის საცხებ-საპოხი მასალების დისტრიბუციას TDC საქართველოში, სომხეთსა და აზერბაიჯანში ახორციელებს.