თბილისში შეიარაღებულმა პირებმა სუპერმარკეტის დაყაჩაღება სცადეს

თბილისში, ჩიტაიას ქუჩაზე სუპერმარკეტ სპარის დაყაჩაღება სცადეს. დღეს, გამთენიისას, მაღაზიაში ორი შეიარაღებული პირი შეიჭრა.

პოლიციამ ორივე თავდამსხმელი ადგილზე დააკავა.

"საპატრულო პოლიციის დეპარტამენტში შემოვიდა შეტყობინება ჩიტაიას 7 ნომრიდან, რომ მაღაზია სპარში შესული იყო ორი შეიარაღებული პირი. ადგილზე ოპერატიულად მივიდა საპატრულო პოლიციის ეკიპაჟი და ეს ორი პიროვნება იქნა დაკავებული", - განაცხადა თბილისის საპატრულო პოლიციის უფროსმა ლაშა ჯოხაძემ.

მომხდართან დაკავშირებით გამოძიება სისხლის სამართლის კოდექსის 179-ე მუხლის მე-2 ნაწილით მიმდინარეობს, რაც ჯგუფურად ჩადენილ ყაჩაღობას გულისხმობს.