ვლადიმირ ვაისი საქართველოს ნაკრებს 18 ნოემბერს ესტონეთის წინააღმდეგ მატჩზე აღარ უხელმძღვანელებს

საქართველო, თბილისი - 17:56 | 16.11.2020
ნანახია: 289

საქართველოს ფეხბურთის ფედერაციის განცახდებით, ვლადიმირ ვაისი საქართველოს ეროვნულ ნაკრებს ერთა ლიგის დასკვნით მატჩზე რომელიც 18 ნოემბერს ესტონეთის წინააღმდეგ გაიმართება, აღარ უხელმძღვანელებს.

აღნიშნული გადაწყვეტილება საქართველოს ფეხბურთის ფედერაციამ ვლადიმირ ვაისთან შეთანხმებით, საქართველო - სომხეთის მატჩის დასრულების შემდეგ მიიღო.

ფედერაციის ინფორმაციით, რაც შეეხება ერთა ლიგის 2020/21 წლის გათამაშების დასკვნით მეექვსე მატჩს, რომელიც 18 ნოემბერს დინამო არენაზე ესტონეთის ეროვნული ნაკრების წინააღმდეგ არის დაგეგმილი, ახალი მთავარი მწვრთნელის დანიშვნამდე, დროებითი მწვრთნელის მოვალეობას რამაზ სვანაძე შეასრულებს.

39 წლის სპეციალისტი, ამჟამად საქართველოს 19 წლამდე ნაკრების მთავარი მწვრთნელის პოსტს იკავებს.

საქართველოს ფეხბურთის ფედერაციამ უკვე დაიწყო მუშაობა ახალი მთავარი მწვრთნელის პოზიციაზე კანდიდატურის შერჩევასთან დაკავშირებით.

 


პოლიტიკა

საზოგადოება

სამართალი

ეკონომიკა

მსოფლიო

კულტურა

კონფლიქტები

ეს საინტერესოა

მედიცინა

ბიზნესი

თავდაცვა

სპორტი



არქივი

მოგვძებნე Facebook-ზე