სწორედ მე ვიყავი “აზარტული თამაშების შესახებ კანონის” ინიციატორი ჯერ კიდევ ფინანსთა მინისტრობის დროს

საქართველო, თბილისი - 14:21 | 31.05.2019

ნანახია: 962

სწორედ მე ვიყავი “აზარტული თამაშების შესახებ კანონის” ინიციატორი ჯერ კიდევ ფინანსთა მინისტრობის დროს და ყველაფერს ხომ აქვს ჩარჩო, როდესაც მე მესაუბრებით ამაზე, - ასე უპასუხა საქართველოს პრემიერ-მინისტრმა მამუკა ბახტაძემ დეპუტატ ლევან გოგიჩაიშვილის მიერ ამ თემაზე დასმულ კითხვას.

მთავრობის მეთაურმა აღნიშნა, რომ კანონპროექტი ახლა პარლამენტში იხილება და ხაზი გაუსვა მისი დროულად მიღების მნიშვნელობას.

“მე ვიყავი აღმასრულებელ ხელისუფლებაში ამ კანონის ინიციატორი, რომელიც ახლა იხილება პარლამენტში. მოვუწოდებ ყველას, ეს კანონი არის რაც შეიძლება დროულად მისაღები. ხომ აქვს ყველაფერს ჩარჩო, მე დამაბრალო მსგავსი რამ, ადამიანს, რომელმაც ფინანთა მინისტრობისას გავაკეთე კანონპროექტში ინიცირება. მესმის, რომ ზოგიერთი თქვენგანი 2020 წლის არჩევნებისთვის ემზადება, მაგრამ საზოგადოება ყველაფერს უყურებს და ყველაფერს თავისი ჩარჩოები აქვს”, - განაცხადა მამუკა ბახტაძემ.