100-100 ლარი შევაგროვოთ და ვიყიდოთ დინამიკები - ემზარ კვიციანი დეპუტატებს

“პატრიოტთა ალიანსის” წევრმა ემზარ კვიციანმა დეპუტატებს მიმართა, ხმის აპარატურის შესაძენად 100-100 ლარი შეაგროვონ.

მისი თქმით, პარლამენტის პლენარულ სხდომათა დარბაზში ხმაურის გამო “არაფერი ისმის”.

“ბატონო თავმჯდომარევ, საერთოდ არაფერი ისმის დარბაზში, ვინ რას ლაპარაკობს. 150 კაცი ვზივართ აქ და იქნებ, 100-100 ლარი შევაგროვოთ ყველამ ხელფასებზე და ვიყიდოთ ეს დინამიკები და ნორმალურად გავიგებთ ერთმანეთის ლაპარაკს”, – განაცხადა ემზარ კვიციანმა.