ქურდული ტრადიციები გადმოსულია ქართული ტრადიციებიდან - ემზარ კვიციანი

5 ახალგაზრდა დაიჭირეს იმის გამო, რომ 20-20 ლარი კანონიერი ქურდის დედას შეუგროვეს, - განაცხადა პარლამენტის სხდომაზე დეპუტატმა „პატრიოტთა ალიანსიდან“ ემზარ კვიციანმა.

„ან რა არის ეს ქურდული ტრადიციები? ვინმე დაფიქრებულა ამაზე? ეს ქურდული ტრადიციები გადმოსულია ქართული ტრადიციებიდან, გადმოსულია კავკასიური ტრადიციებიდან და რატომღაც ქურდული დაარქვეს და ჩვენც კიდევ ამ კავკასიური და ქართული ტრადიციების გულისთვის ციხეში გავუშვათ? ყველა ჩავჯდეთ მაშინ, სულ ყველა ციხეში. რაღაცა, მართლა მოსაფიქრებელია, ამასთან დაკავშირებით. ეს არის სპეციალურად გაკეთებული. გასაგებია, რომ რუსეთს აწყობდა რომ მთელი ქურდული სამყარო წასულიყო დასავლეთში, რომ გაეკონტროლა მთელი ქუჩა დასავლეთში. მაგრამ ჩვენ რა შუაში ვართ? ქართველები რა შუაში ვართ?“, - განაცხადა კვიციანმა.